دەستەکا نوى یا کارگێڕى یا یانەیا زاخۆ ئاشکرا دبیت و نێچیرڤان لەزگین دبیتە سەرۆکێ نوى
عەمار فەرهاد سەرۆکێ نوکە یێ یانەیا زاخۆ ب هەمی ستافێ خۆ ڤە دەست ژ کار کێشان و دەستەکا نوى بۆ بڕێڤەبرنا یانێ دێ دەست ب کار بیت و ل دویڤ زانیاریێن کوردستان٢٤ هەمی ستافێ نوکە یێ یانەیا زاخۆ د چەند دەمژمێرێن بهێت دا دێ ب فەرمى دەست ژ کار کێشن و ستافەکێ نوى ب سەرۆکایەتیا نێچیرڤان لەزگین دێ یانێ بڕێڤە بەت
عەمار فەرهاد د لێدوانەکێ دا دیار کر کو سوبە دێ دویماهى رۆژا وى بیت وەک سەرۆکێ یانەیا زاخۆ و نێچیرڤان لەزگین کو جێگرێ سەرۆکێ یەکێتیا ژوورێن بازرگانى و پیشەسازیا هەرێما کوردستانێ یە دێ کەڤیتە جهێ عەمار فەرهادى و دبیتە سەرۆکێ نوى یێ یانێ هەروەسا بێوار عەلى ژى دێ بیتە جێگرێ سەرۆکێ یانەیا زاخۆ
هەر ل دویڤ زانیاریان ئەڤ کەسە دێ بنە ئەندامێن دەستەکا کارگێڕى یا یانەیا زاخۆ کو پێکدهێن ژ رێبەر عومەر و تەها رەمەزان و بەڕۆژ جادر و رێبەر محەمەد و خەڵات عەبدى و شڤان عەبدى یانەیا زاخۆ ماوێ دوو وەرزانە د خۆلا ئەستێرەیێن عیراقێ دا د رەوشەکا نە جێگیر دا دەرباز دبیت و وەرزی بوری پلەیا نۆێێ بدەستڤە ئینا و ئەڤ وەرزە ژى هەر د پلەیا نۆێێ دایە سەربارى هندێ کو سێ راهێنەر گوهۆڕینە بەلێ رەوشا یانێ وەک پێدڤى جێگیر نەبوویە