ئاگرەکێ مەزن ل سنورێ ناحیا سیتەکێ یا سەر ب پارێزگەها سلێمانیێ کەفتەڤە و ب وێ ئەگەرێ ٦٠٠ دۆنمێن پۆش و پاوان و دارێن سروشتى سووختن و تیمێن بەرگریا شارستانى و پۆلیسێن دارستانێ پشتی بزاڤەکا زۆر شیان کۆنترۆڵ بکەن
ئارام عەلی پەیڤدارێ بەرگریا شارستانى ل سلێمانیێ بۆ راگەهاند کو ئاگر ل دەڤەرێن بزێنیان و کانی دڕکە پەیدا بوویە و دەستبەجێ تیمێن وان گەهشتینە جهێ رویدانێ و زەحمەتیا ئاگرى د وێ چەندێ دا بوو کو پتر ژ ٦٠٠ دۆنمێن ئەردى گرتن و زیانەکا مەزن ب ژینگەها دەڤەرێ گەهاند و هەتا نوکە ژى هۆکارێ درست یێ ئاگرى نەدیارە و تیمێن وان مژویلى ڤەکۆلینێ نە داکو ئەگەرێ ڤى ئاگرى بزانن
بلندبوونا پلەیێن گەرمێ ل وەرزێ هاڤینێ ل هەرێما کوردستانێ سالانە دبیتە ئەگەرێ سەدان رویدانێن ئاگرکەفتنێ ب تایبەت ل دەڤەرێن چایى و دارستانان و ناحیا سیتەکێ ژى کو ب ژینگەکا کەسک و دارستانێن چڕ دهێتە نیاسین زۆرجاران ژبەر گەرمێ یان ژى کەمتەرخەمیا گەشتیاران تووشى ڤان زیانێن مەزن دبیت و تیمێن بەرگریا شارستانى هۆشداریێ ددەنە خەلکى کو ل دەمێ سەرەدانێن خۆ بۆ ناڤ سروشتى رێکارێن سلامەتیێ بکاربینن داکو ئەڤ جۆرە کارەساتێن ژینگەیى دووبارە نەبن