ل دەسپێکا حەفتیا بهێت شاندەکێ هەرێما کوردستانێ دێ چیتە بەغدا و هەر د وێ حەفتیێ دا بڕیارا خەرجکرنا مووچەی دێ هێتە دان و مووچەیێ مەها ئایارێ دێ هێتە هنارتن و کێمەکێ بەری نوکە ژی لیستا مووچەی و راپۆرتا تەرازویا پێداچوونێ رادەستی بەغدا هاتە کرن
بڕیارە حەفتیا بهێت شاندەکێ هەرێما کوردستانێ بچیتە بەغدا و ژێدەرەکی راگەهاند کو وەزیرا دارایی یا عیراقا فیدراڵ رەزامەندی دایە بەری جەژنێ ئانکو حەفتیا بهێت مووچەیێ مەها ئایارێ بهێتە خەرجکرن و خەرجکرنا مووچەی ژی ب شێوازێ مناقەسە دێ بیت ب وێ چەندێ کو وەزارەتا دارایی یا عیراقێ مووچەیێ مەها ئایارێ ب تەمامی بهنێریت و پشتی جەژنێ وەزارەتا دارایی و ئابووری یا حکومەتا هەرێمێ داهاتێ نە نەفتی بۆ بەغدا بهنێریت
ل دویڤ زانیاریان تیمەکێ وەزارەتا دارایی و ئابووری یا حکومەتا هەرێما کوردستانێ دوهی ژ هەولێرێ چوونە بەغدا و ئەڤرۆ سپێدێ لیستا مووچەیێ مەها ئایارێ و راپۆرتا تەرازویا پێداچوونێ یا مەها نیسانێ رادەستی وەزارەتا دارایی یا عیراقێ کر
هەروەسا وەزیرا دارایی یا عیراقێ فەرمانبەرێن وەزارەتا خۆ راسپاردینە کو رێکارێن دابەشکرنا مووچەی ل رۆژێن ئەینی و شەمبی ب دوماهی بینن و سۆز دایە هەرێما کوردستانێ کو بۆ مووچەیێ فەرمانبەران بەری جەژنێ چاڤەڕێی داهاتێ نە نەفتی نەکەن و مووچەی بهنێرن