سپێدەهیا ئەڤرۆ ل سەر رێکا دهۆک بو ئامێدیێ مینی پاسەکا ڤەگوهاستنا قوتابیان وەرگەڕیا و رێڤەبەریا ساخلەمیا دهۆکێ ژی رادگەهینیت کو 14 .قوتابی دگەل شوفێری بریندار بووینە
روژا دووشەمبی 13ی نیسانا 2026ێ مەتین جەمیل پەیڤدارێ راگەهاندنا ساخلەمیا پارێزگەها دهۆکێ دیار کر کو سپێدەهیا ئەڤرۆ ل سەر رێکا .دهۆک ئامێدیێ مینی پاسەکا ڤەگوهاستنا قوتابیان وەرگەڕیا و د ئەنجامێ وێ رووداوێ دا 14 قوتابی و شوفێر بریندار بووینە
دەربارەی رەوشا ساخلەمیا برینداران ئاماژە ب وێ چەندێ کر کو هەمی بۆ نەخۆشخانێ هاتینە ڤەگوهاستن و گۆت ژی کو سێ ژ وان قوتابیان .برینێن وان د دژوارن و ل بن چاڤدێریا پزیشکی دانە بەلێ رەوشا ساخلەمیا بریندارێن دی جێگیرە
پەیڤدارێ ساخلەمیا دهۆکێ ئەو چەندە ژی خویا کر کو ئەو بریندارێن رەوشا وان باشە پشتی وەرگرتنا چارەسەریا پێتڤی دێ ژ نەخۆشخانێ .دەرکەڤن و ڤەگەرنە مالێن خۆ