چالاکیەکا هونەری بۆ پشتگیریا رۆژئاڤا ل رۆژا شەمبی، ١٤ی شوباتا ٢٠٢٦، ل لەندەن، چالاکیەکا هونەری ب ناڤێ “گوهـ ل کوردستانێ بگرن” هاتە ئەنجامدان. ئەڤ چالاکیە موزیک، فلم و ڤیدیۆئارت ل خوڤە دگریت و بۆ پشتگیریا کۆمکرنا هاریکاریێ بۆ رۆژئاڤا بوو.
هەر بلیەتەک و هەر دەنگەک و هەر ساتەکا هەڤبەش بەشداریێ دکەت د پشتگیریا مرۆڤایەتی دا بۆ رۆژئاڤا. نمایش و فلمەکان بیرهاتن و شایەتحالیێ دەردبرن، و گوهداریکرن ل پێشانگەهان دبتە کردارەکا مرۆڤایەتی.
هونەرمەندێن بەشدار:
ئایشە گول، خانمە هونەرمەندا باکورێ کوردستانێ
د. پەیمان حەیدەریان و سەنتوورژەن ل رۆژهەلاتا کوردستانێ
خەبات عەباس چێلۆژەن، کەمانچەژەن و ئامیرێ ئەلکترۆنیک ل باشورێ کوردستانێ
رێکخەرێ چالاکیێ گۆت: هەموو هاریکاری و پشتگیری بۆ رۆژئاڤا ب رێیا سپەیس٢١ ل سوید دگەهت و هاریکاریەکان پشتی ئەنجامدانا چالاکیان ل تۆرێن کۆمەلایەتی دێ هێنە بەلاڤکرن.