خەبات عەباس خانمە مۆزیکژەنا کورد دێ پشکداریێ د کۆنسێرتەکا جیهانی دا ل بن ناڤێ ئاسمانەکێ دی ل لەندەن ل کافێ ئۆتۆ کەت رۆژا یەکشەمبی دوازدەی نیسانا دوو هزار و بیست و شەش خەبات عەباس دەربارەی پشکداریا خۆ د وێ کۆنسێرتا جیهانی دا بۆ کوردستان بیست و چوار گۆت ب کەیفخۆشیەکا مەزن پشکدارم وەکی ئێک ژ هونەرمەندێن پرۆژەیێ مێڤانداریا هونەرمەندێن ئاسمانەکێ دی کو بۆ من دەلیڤەیەکا تایبەت و گرنگە هەروەسا ئەڤ پرۆژەیە ب مەرەما پشتگیری و گەشەپێدانا هونەرێ نوو هاتیە رێکخستن و کۆمەکا هونەرمەندێن ناڤدار و ب بڕیار بخۆ ڤە دگریت خەبات عەباس زێدەتر گۆت د ماوێ ڤی خولا هونەری دا من نێزیکبوونا تمام دگەل هونەرمەندێ کورد هەردی کوردە ئەنجام دایە کو ب ئێک ژ مۆزیکژەنێن ئەزموونی و هەڤچەرخ دهێتە نیاسین و ئەڤ هەڤکاریە رێیەکا گرنگ بوو بۆ گۆهرینا هزران و چێکرنا کارەکێ نوو یێ هەڤپشک ئەو خانمە مۆزیکژەن بەحسێ وێ پارچا مۆزیکێ دکەت کو دێ د کۆنسێرتێ دا پێشکێش کەت و دبێژیت ئەز ب پرۆژەیەکێ نوو پشکداریێ د وێ کۆنسێرتێ دا دکەم و پارچەکا مۆزیکێ یا من ئامادە کری کو ب خۆ من چێکریە و د چارچۆڤێ پرۆژەیێ ئاسمانەکێ دی دا هاتیە چێکرن و ب شێوەیێ پێشکێشکرنا دەستپێکی بۆ جارا ئێکێ دێ پێشکێش کەم و ئەڤ کارە پشکەکا تایبەت یا ڤی پرۆژەییە و هێشتا د قۆناغا گەشەپێدانێ دایە خەبات عەباس ئاماژە ب وێ ژی دا کو ئەو کۆنسێرتا جیهانی دێ بیتە کۆمبوونەکا تایبەت بۆ حەژێکەرێن مۆزیکێ و هونەرێ نوو و دێ بیتە دەلیڤەیەک بۆ دیتنا قۆناغەکا نوو د گەشەیا کارێن من دا کو بەردەوام هەوڵ ددەم نووگەریێ د مۆزیکێ دا بکەم شایەنی گۆتنێیە ئەو کۆنسێرتا جیهانی بڕیارە نۆزدەی نیسانا دوو هزار و بیست و شەش ل لەندەنا پایتەختا بەریتانیا ل کافێ ئۆتۆ بهێتە ئەنجامدان کو ئەو کافێیە ئێکە ژ گرنگترین ناڤەندێن مۆزیک و هونەرێ ئەزموونی ل باژێرێ لەندەن خەبات عەباس خانمە مۆزیکژەنا کورد خەلکا باژێرێ سلێمانیێیە و ئاکنجیا وەلاتێ بەریتانیایە و هەتا نوکە پشکداری د چەندین کۆنسێرتێن جیهانی دا کریە و چەندین نۆتەیێن مۆزیکێ یێن تایبەت ب خۆ چێکرینە