یانەیا ناک بڕێدا کو د پلا پێش دووماهییا رێزبەندیا خولا ئێرێدیڤیزێ یا هۆلەندی دایە و پێنج خالان ژ دەڤەرا مانەوەیێ دویرە پەنا برە بەر دادگەهێ دژی وێ خوسارەتیا گران یا ب ئەنجامێ شەش ب سفر بەرامبەر یانەیا گۆ ئەهێد ئیگڵز ل گەڕا بیست و حەفتێ یا خولێ تووشی بوی ئەڤ چەندە ژی ژبەر پشکداریا نەیاسایی یا یاریزان دین جەیمس
رۆژنامەیا وەرزشی یا مۆندۆ دێپۆرتیڤۆ بەلاڤ کر کو یانەیێ ب ئەگەرێ وێ یەکێ سکالا تۆمار کریە کو گوایە ئەو یاریزانێ تەمەن بیست و شەش سالی ل وەلاتێ هۆلەندا ژ دایک بویە لێ ڤێ دووماهیێ رەگەزنامەیا ئەندەنووسی وەرگرتیە و ب ڤێ چەندێ ژی ئەو یاریزان وەکو یاریزانەکێ پیشەگەر سەرەدەری دگەل دهێتە کرن
ژ لایەکێ دی ڤە کەنالێ ئێن ئۆ ئێس یێ هۆلەندی بەلاڤ کر کو سێزدە یاریزانێن دی ژی هەین کو بڕیار داینە وەلاتینامەیا وەلاتێن وەکو ئەندەنووسیا و سورینام و ترینیداد و تۆباگۆ و کیپ ڤێردی وەربگرن و ب وێ ئەگەرێ ژی مۆلەتا کارکرنێ ل هۆلەندا ژ دەست داینە و ب یاریزانێن پیشەگەر دهێنە هەژمارتن
یانەیێن وەکو نێک نیمیخن و گرۆنینگن بۆ دویرکەفتن ژ هەر کێشەیەکێ هەریەک ژ تیارۆن چێری و ئیتیان ڤایسن ژ لیستا یاریزانێن خۆ دویرخستینە و میخێل ڤان دایک پارێزەرێ فیدراسیۆنێ ژی روون کر کو بابەتی رەگەزنامەیان کاریگەری ل سەر یازدە یاریزانێن خولا نایابا هۆلەندا ل هەشت یانەیێن جودا هەیە و ئەڤ چەندە وادکەت کو سەد و سیه و سێ یاریێن ڤێ خولێ دووبارە ببنەڤە ل هەمان دەم دا رێڤەبەرێ تەپا پێ ل فیدراسیۆنا هۆلەندا ئاماژە ب وێ یەکێ کریە کو ئەڤ چەندە دێ بیتە پاشاگەردانیەک
یانەیێن وەکو ئەیاکس و فینۆرد و تێلستار و چەند یانەیێن دی چوینە پال یانەیا بڕێدا و وان ژی رێکارێن یاسایی گرتینە بەر و رۆژا دوشەمبی یا بهێت بڕیارەکا دادگەها ئۆترێخت ل سەر کێشەیا ناڤبەرا یانەیا بڕێدا و فیدراسیۆنا هۆلەندا دێ هێتە دان و رەنگە هەمی هاوکێشەیێن تەپا پێ ل وی وەلاتی سەرەوژێر بکەت ئەگەر دادوەر ل بەرژەوەندییا یانەیا بڕێدا بڕیارێ بدەت فیدراسیۆن دێ روو ب رووی کابوسەکێ بیت د دانانا پلانا یارییان دا و ئەگەرێ دووبارەکرنا کێمتر ژ سەد و سیه و سێ یارییان هەیە
ماریان ئۆلفێرس پرۆفیسۆرا یاسایا وەرزشی بۆ کەنالێ ئیس پی ئێن راگەهاند ئەگەر یاریزانەک دەستبەرداری رەگەزنامەیا خۆ یا هۆلەندی بیت دێ چیتە د بن چوارچۆڤەیەکێ یاسایی یێ جودا دا و ب راستی ژی ئەو کەس دێ بیتە بیانی و یاریزانەکێ پیشەگەر
بادینان دەیلی