ل قۆناغا چارێکا کۆتاییا چامپیۆنزلیگێ یانەیێن ریال مەدریدا ئیسپانی و سپۆرتینگ لیسبۆنایا پۆرتوگالی مالئاڤایی کر و ناسنامەیا چار یانەیێن پێش کۆتاییێ هاتە دیارکرن.
د یارییا زڤرینا چارێکا کۆتاییا چامپیۆنزلیگێ دا ل یاریگەها ئالیانز ئارینا ریال مەدرید بوو مێڤانێ بایرن میونشن. یانەیا باڤاری ب هەمان شێوێ یارییا چوونێ سەرکەفتن تۆمار کر.
ئاردا گولەر بوو ئێکەم یاریزان د دیرۆکا ریال مەدرید دا د چامپیۆنزلیگێ دا کو خێراترین گۆڵ ب ٣٠ چرکان تۆمار بکەت. ئەو یاریزانێ تورک شەڤەکا دیرۆکی تۆمار کر و دوو گۆڵ ژ دەرڤەی دەڤەرا سزای تۆمار کرن. لێ یانەیا وی ب ئەنجامێ چوار ب سێ دۆڕا و مالئاڤایی ژ چامپیۆنزلیگێ کر.
ژ لایەکێ دی ڤە یارییا ئارسێناڵ و سپۆرتینگ لیسبۆنا بێی گۆڵ ب دووماهی هات. ب ڤێ چەندێ ژی یانەیا گەنەرز ب فەرمی گەهشتە قۆناغا پێش کۆتاییا چامپیۆنزلیگێ.
ل قۆناغا پێش کۆتاییا چامپیۆنزلیگێ پاریس سانجێرمان و بایرن میونشن دێ رووبەرووی ئێک بن. د یارییەکا دی دا ئاتلێتیکۆ مەدرید و ئارسێناڵ دێ گەهنە ئێک.