ژبەر دویرکەفتنا ریال مەدرید ژ هەڤرکیا یانەیا بارسێلۆنا بۆ برنا ناسناڤێ لالیگایێ و ژدەستدانا ناسناڤێ کاسا شاهێ ئیسپانیا د ڤێ وەرزێ دا نوکە یانە ب تنێ ناسناڤێ خولا یانەیێن قارەمانێن ئەوروپا بۆ مایە دا کو هەڤرکیێ ل سەر بکەت و بۆ وەرزێ داهاتی چاڤەڕێ دهێتە کرن گوهۆڕینێن مەزن بهێنە کرن
شۆرەشا گوهۆڕینێن ریال مەدرید د ڤەگوهاستنێن هاڤینا ئەڤسالە دا دەستپێدکەت یانە دێ دەستبەرداری چەند یاریزانەکێن خۆ بیت و باوەریێ دەتە چەند یاریزانێن دی ل دویڤ ژێدەرێن نێزیکی یانەیێ کارگێریا ریال مەدرید ب سەرۆکاتیا فلۆرێنتینۆ پێرێز ژ نوکە ڤە دەست ب داڕشتنا هێلێن گشتی یێن پڕۆژێ داهاتی یێ یانەیێ کریە و ب هەماهەنگی دگەل دەستەیا هۆنەری بڕیارێ ل سەر گوهۆڕینان ددەن ئەڤە ژی پشتی یانە گەهشتیە وێ باوەریێ کو ئەڤ وەرزە یێ لاواز بوو
ئەلڤارۆ ئەربێلوا راهێنەرێ یانەیا ریال مەدرید د هەلسەنگاندنێن رەوشا هۆنەری یا یانەیێ دا پشکدارە و دبێژیت نەبوونا پلانا جێگر ئێکە ژ کێشەیێن سەرەکی یێن ریال مەدرید و کاتێ یاریێن تیپێ ب ئاراستەیەکێ خراب دچن تیپێ چو پلانا جێگر ژ روویێ تاکتیکی ڤە نینە هەروەسا نەبوونا هەڤرکیێ د ناڤبەرا یاریزانێن سەرەکی دا بوویە ئەگەرێ پاشکەفتنا تیپێ
نیازیا یانەیێ ئەوە بۆ وەرزێ داهاتی گوهۆڕینان د پێکهاتەیێ دا بکەت ب ئینانا یاریزانێن ئاستبەرز تیپەکا هەڤرک دروست بکەت و کورسیێن یەدەگ ژی ب هێزتر لێ بکەت ل دویڤ نووچەیێن میدیایێن ئیسپانیا ئەو یاریزانێن چاڤەڕێ دهێتە کرن ژ یانەیێ بڕۆن یان پاشەڕۆژا وان نەدیارە بریتینە ژ دانی کارڤاخال فێرلان مێندی راول ئەسێنسیۆ ئێدواردۆ کاماڤینگا دانی سێبایۆس فرانکۆ ماستانتونۆ گۆنزالۆ گارسیا و رۆدریگۆ
د ناڤ ڤێ لیستێ دا کارڤاخال ب تنێ گرێبەستا وی ب فەرمی ب دوماهی دهێت فێرلان مێندی نایەوێت ژ یانەیێ بڕۆت برینداربوونا رۆدریگۆ ژی دێ کاریگەریێ ل سەر پاشەڕۆژا وی یاریزانی کەت دەربارەی فرانکۆ ماستانتونۆ و گۆنزالۆ گارسیا ئەڤە ب راهێنەرێ داهاتی یێ یانەیێ ڤە گرێدایە ئەگەر ستافێ راهێنەران بهێتە گوهۆڕین رەنگە راهێنەرێ نوی بڕیارێ ل سەر وان بدەت
زێدەباری ڤان دۆسیەیا وان یاریزانان ژی ڤەکریە کو گرێبەستێن وان د چەند سالێن داهاتی دا ب دوماهی دهێن ئەو ژی رۆدیگێر و دەیڤد ئالابانە کو ئەڤێ چەندێ گەنگەشەیەکا زۆر د ناڤ کارگێریێ دا دروست کریە چونکی ئەگەر یانە دەستبەرداری ڤان یاریزانان ببیت رەنگە ریال مەدرید پێدڤی ب 6 بۆ 7 یاریزانێن نوی هەبیت
شۆرەشا گوهۆڕینان ل ریال مەدرید دەست نادەتە بڕبڕا پشتێ یا تیپێ ب تایبەت ڤینیسیۆس جۆنیۆر جود بێلینگهام فێدریکۆ ڤاڵڤێردی و تیبۆ کۆرتوا کو ئەڤە ئەو یاریزانن کارگێریا یانەیێ ب چو شێوەیەکێ دەستبەرداری وان نابیت
ریال مەدرید ل بەرامبەر گوهۆڕینەکا مەزن و قۆناغەکا هەستیار دایە هاڤینەکا تژی گوهۆڕین ل هیڤیا یانەیێ یە ب تایبەتی ئەگەر د خولا یانەیێن قارەمان دا ئەنجامێن باش نەبن هەروەسا رۆژنامەیا ئەی ئێس یا ئیسپانی دبێژیت پاشەڕۆژا ئەلڤارۆ ئەربێلوا بۆ مانە ل ریال مەدرید ب ئەنجامێن یانەیێ د چامپیۆنزلیگێ دا گرێدایە