ل دووڤ نویترین ئامارێن تۆرەیا میدیایی یا رووداو کو رۆژانە تۆمار دکەت ژ دەستپێکا شەڕێ ئەمریکا و ئیسرائیل دگەل ئیرانێ ل 28ێ شوباتێ ڤە هەرێما کوردستانێ ب 671 درۆن و مووشەکان هێرش ل سەر هاتیە کرن
ل دووڤ دیڤچوونا رووداو د 24 دەمژمێرێن بۆری دا ب 21 درۆنان هێرش هاتیە سەر هەرێما کوردستانێ 17 ژ وان ل سەر هەولێر و کۆیە بوون و چوار یێن دی ژی ل سەر سلێمانیێ بوون
ئامارێن هێرشان ل دووڤ پارێزگەهان
پارێزگەها هەولێرێ 533 درۆن و مووشەک
پارێزگەها سلێمانیێ 111 درۆن و مووشەک
پارێزگەها دهۆکێ 25 درۆن و مووشەک
پارێزگەها هەڵەبجە 2 درۆن
نویترین هێرشێن هاتینە سەر هەرێما کوردستانێ
نێزیکی دەمژمێر 11 شەڤا دی ب درۆنەکێ و مووشەکەکێ هێرش کرە سەر کەمپا ئازادی ل قەزا کۆیە ل پارێزگەها هەولێرێ
د دەمژمێر 12 بۆ 1ێ سپێدەهیا ئەڤرۆ ب چوار درۆنان هێرش کرە سەر کەمپا ئازادی ل کۆیە
د دەمژمێر 12 بۆ 1ێ سپێدەهیا ئەڤرۆ دووشەمبی ب دوو درۆنان هێرش کرە سەر بارەگایێ حزبەکا رۆژهەلاتا کوردستانێ ل ئێک ژ گەڕەکێن سلێمانیێ حزبێ راگەهاند کو بەری نوکە بارەگایێ خۆ چۆل کربوو و زیانێن گیانی نەبوون
نێزیکی دەمژمێر 2 و 30 خولەکێن سپێدەهیا ئەڤرۆ درۆنەک ل ئەسمانێ ناحیا شەمانک ل سنوورێ هەولێرێ هاتە خوارێ
نێزیکی دەمژمێر 2 و 40 خولەکێن سپێدەهیا ئەڤرۆ دووشەمبی دوو درۆن ل ئەسمانێ هەولێرێ هاتنە خوارێ
سپێدەهیا ئەڤرۆ ل سنوورێ ئیدارەیا سەربەخۆ یا سۆران دەنگێ دوو تەقینان هاتە بهیستن دیار نینە درۆن بوون یان مووشەک
ئێڤارا دوهی یەکشەمبی درۆنەک ل ئەسمانێ گوندەکێ گەرمیان تەقی و زیانێن گیانی نەبوون
نێزیکی دەمژمێر 6 ئێڤارا دوهی یەکشەمبی دەنگەکێ بهێز ل سنوورێ سلێمانیێ هاتە بهیستن و هەتا نوکە دیار نینە مووشەک بوو یان درۆن
دەمژمێر 10 و 20 بۆ 11 شەڤا دی حەفت درۆن ل ئەسمانێ هەولێرێ هاتنە خوارێ
قوربانیێن هێرشان
ل دووڤ ئاماران د ئەنجامێ هێرشان دا ژ 28ێ شوباتێ ڤە 14 کەسان گیانێ خۆ ژ دەست دانە و 93 کەس ژی بریندار بووینە
ئەوێن گیانێ خۆ ژ دەست داین شەش ژ وان پێشمەرگەیێن فەرماندەییا دەڤەرا ئێک بوون ل سنوورێ خەلیفان ل پارێزگەها هەولێرێ شەهید بوون ئێک ژ وان کارمەندەکێ ئاسایشێ بوو ل فڕۆکەخانەیا نێودەوڵەتیا هەولێرێ شەهید بوو شەش ژ وان پێشمەرگەیێن سێ حزبێن رۆژهەلاتا کوردستانێ بوون کو دوو ژ وان ل هەولێرێ و دوو ل سنوورێ پارێزگەها سلێمانیێ و دوو یێن دی ل سنوورێ باشیک ل دەشتا نەینەوا شەهید بوون هەروەسا ل 12ێ ئادارێ سەربازەکێ فەرەنسی ل هەولێرێ گیانێ خۆ ژ دەست دا
ل دووڤ ئامارێن کۆمکری یێن رووداو پشکەک ژ برینداران پێکهاتینە ژ 30 پێشمەرگەیێن فەرماندەییا دەڤەرا ئێک ل سنوورێ ئیدارەیا سەربەخۆ یا سۆران سێ کارمەندێن ئاسایشێ ل فڕۆکەخانەیا نێودەوڵەتیا هەولێرێ هەروەسا سێ پێشمەرگە دوو پاسەوانێن تایبەت ل بارەگایێ بەری یێ نەتەوەیێن ئێکگرتی ل سلێمانیێ پاسەوانەکێ هۆتێل تایتانیک ل سلێمانیێ هەروەسا دوو کارمەندێن بەرگریا شارستانیا خەلیفان و دوو پێشمەرگە ل هێزێن 70 یێن پێشمەرگەی و ئێک پۆلیس هەنە
هەر د ناڤ برینداران دا 18 سڤیل هەنە ئێک ژ وان ماتۆڕسوارەکێ دیلیڤەری بوو ل هەولێرێ ئێک بریندار ل کەمپا باجد کەنداڵ ل زاخۆ پەرستارەک ل کەمپا ئازادی ل کۆیە سێ سڤیلێن خەلکێ رۆژهەلاتا کوردستانێ ل کەمپا زەوی سپی ل کۆیە و زارۆکەک ژی ل گەڕەکێ قالاوە ل سلێمانیێ هەروەسا دوو هاونیشتیمانی ل کەمپا جەژنیکان ل سنوورێ هەولێرێ و چوار هاونیشتیمانی ل گەڕەکەکێ هەولێرێ بریندار بوون هەروەسا دوو قوتابی ل سنوورێ قەزا خەبات ل پارێزگەها هەولێرێ بریندار بوون و ل 31ێ ئادارێ سێ مێرمنداڵێن دی ل هەولێرێ بریندار بوون
بریندارێن دی پێشمەرگەیێن حزبێن رۆژهەلاتا کوردستانێ و پێنج سەربازێن فەرەنسی بوون ل هەولێرێ
ئەو دەڤەرێن هاتینە بۆردوومان کرن
پارێزگەها هەولێرێ
درۆن و مووشەک ل ڤان دەڤەر و گەڕەکان کەفتینە خوارێ گوندێ کێشکە دۆلا مەلەکان هەریر کانی قرژاڵە بالیسان خەبات ناحیا رزگاری سپیلک مەلا قەرە کارێزان کەمپا زەوی سپی کەمپا جەژنیکان دریم سیتی کەسنەزان پیرزین فەرمانبەران سێبیران رۆشنبیری ژیان کوردستان نەورۆز نووسەران هەڤاڵان گوندی کۆری گەزنە بەحرکە عەنکاوە خەلیفان فڕۆکەخانەیا هەولێرێ و دەوروبەر دێگەڵە کەمپا ئازادی چۆمان سۆران و بارەگایێن یەکەیێن پێشمەرگەی
پارێزگەها سلێمانیێ
سلێمانی گوندێ شێخ وەیساوا گردێ ریعایە مێرگەپان قالاوە گەڕەکێ بەرانان شەقاما 60 مەتری گوندێ زڕگوێز گوندێ زڕگوێزەڵە ناحیا سوورداش قەزا کفرێ هێزێن 70 یێن پێشمەرگەی گەڕەکێ تاسڵوجە چیایێ زمناکۆ و بارەگایێن یەکەیێن پێشمەرگەی
پارێزگەهێن دهۆک و هەڵەبجە
کێلگەها نەفتێ یا سەرسنگێ کەمپا باجد کەنداڵ سنوورێ ئاکرێ سنوورێ ناحیا بجیل سنوورێ قەزا بەردەڕەش و گەڕەکێ ماڵتا ل باژێڕێ هەروەسا سێ درۆنێن دی ل کێلگەها نەفتێ یا چەمانکێ کەفتنە خوارێ و ل سنوورێ ئامێدیێ ژی 3 درۆن کەفتینە خوارێ
هەروەسا پارێزگەها هەڵەبجە و چیایێ شنروێ ژ وان جهان بوون کو د ئێک هێرش دا ب دوو درۆنان هاتینە بۆردوومان کرن