- ل دویف ڤەکۆلینەکا زانستی تاتۆ کو گەلەک کەس ل جهێن جودا-جودا یێن لەشێ خو پێ د نەخشینن، مرۆڤی تووشی مەترسییەکا مەزن دکەت و مەترسییا تووشبوونێ ب پەنجەشێرا پیستی ب رێژەیا 29% زێدە دکەت.
ئێکشەمبییێ 30ێ چریا دویێ یا 2025ێ، ل گۆرەیی ڕاپۆرتەکێ کو ل مالپەرێ زانستی “ساینس ئەلێرت” (Science Alert) بەلاڤکرییە، بۆ زانایان بۆ دیاربوویە، ئەو کەسێن تاتۆ هەین ب رێژەیا 29% مەترسییا تووشبوونێ ب پەنجەشێرا پیستی (میلانۆما) زێدەترە، کو جۆرەکێ مەترسیدار یێ پەنجەشێرێ یە کو ب بەرکەفتنا تیشکا سەروبنەفشەیی ڤە گرێدایە.
ل گەل هندێ ژی، هۆسا دیار نابیت کو تاتۆ مەترسییا تووشبوونا ب پەنجەشێرا خانەیێن توێژالی (Squamous cell carcinoma) زێدە بکەت، کو ئەڤە ژی جۆرەکێ دی یێ پەنجەشێرا پیستی یە و ب زیانێن تیشکا سەروبنەفشەیی ڤە گرێدایە.
هەر ئێک ژ پەنجەشێرا پیستی (میلانۆما) و پەنجەشێرا خانەیێن توێژالی هێدی-هێدی گەشە دکەن و هەتا ڕادەیەکێ کێمن. هەروەسان زانایان دوپاتکریە کو دویڤچوونا گرۆپێن مەزن یێن وان کەسێن تاتۆ هەین و ئەوێن نەهەیین بۆ هەیاما چەندین سالان، تێچوونەکا مەزن دڤێت و دەمەکێ درێژ ڤەدکێشت.