کۆمپانیەکا پزیشکی یا ئەمریکی رەزامەندیا دەستەیا خوارن و دەرمانێن ئەمریکی FDA وەرگرتیە بۆ دەستپێکرنا تاقیکرنا چارەسەریەکا نوی یا نەخۆشیا ئەلزهایمەر ل سەر مرۆڤان چارەسەری ل شوینا دەرمانان ب رێکا نەشتەرگەریەکا هویر یا رۆبۆتی دێ بیت
کۆمپانیا Medical Microinstruments Inc- MMI راگەهاند کو ب رێکا سیستەمێ نەشتەرگەریا سیمانی Symani Surgical System کو تەکنەلۆژیایەکا رۆبۆتی یە بۆ نەشتەرگەریێن گەلەک هویر دهێتە بکارهینان بزاڤا چارەسەرکرنا نەخۆشیا ئەلزهایمەر ددەت
تاقیکرن ب ناڤێ REMIND دهێتە برێڤەبرن و تێدا پزیشک بزاڤێ دکەن ئەو رێڕەوێن لیمفاوی چاک بکەن یێن کو د ستۆیێ نەخۆشی دا تێکچووینە ل دویڤ ڤەکۆلینان ئەڤ رێڕەوە رۆلێ وان د پاقژکرنا مێشکی دا هەیە ژ وان پاشمایێن پرۆتینی یێن وەک بێتا ئەمیلۆید و تاو کو د نەخۆشێن ئەلزهایمەر دا کۆم دبن
کۆمپانیا ئاماژێ ب وێ چەندێ دکەت کو نەشتەرگەری گرنگیێ ددەتە گرێیێن لیمفاوی یێن کویر ل ستۆی dCLNs چونکی ئەو لوولەیێن لیمفاوی یێن دبنە ئارمانج تیرەیا وان دگەهیتە نێزیکی 0.2 ملیمەتران و ئەڤ چەندە کارکرنێ دگەل وان و دوورینا وان بێی هاریکاریا رۆبۆتی گەلەک ب زەحمەت دکەت
مارک تۆلاند رێڤەبەرێ جێبەجێکارێ کۆمپانیا MMI راگەهاند ئەڤ رەزامەندیا FDA نیشانا هندێ یە کو د زانستی دا چ دهێتە کرن ئەگەر شارەزا و تەکنەلۆژیا و ڤەکۆلین کۆم ببن ئەم ل بەرامبەر سەردەمەکێ نوی یێ نەشتەرگەریا هویر دا نە کو هویربینیا رۆبۆتی دشێت رۆلەکێ سەرەکی بگێڕیت د ڤەکرنا رێگەچارەیێن نوی بۆ نەخۆشیێن کوژەک وەک ئەلزهایمەر
د تاقیکرنێ دا بۆ دەمێ 30 رۆژان چاڤدێری ل سەر کاریگەریێن لاوەکی یێن مەترسیدار یێن ئامێری دهێتە کرن هەروەسا بۆ دەمێ شەش مەهان چاڤدێری ل سەر ئەنجامێن وێنەگرتنا پزیشکی و بایۆمارکەران و هەلسەنگاندنێن زانستی دهێتە کرن