بادینان دەیلی
حکومەتا بەریتانیا ڕاگەهاند کو بەریتانیا و فەرەنسا ڕۆژا سێشەمبی دێ پێشوازیێ ل کۆمبوونەکا نێڤدەوڵەتی یا وەزیرێن بەرگری کەن بۆ گەنگەشەکرنا پلانێن سەربازی ب مەرەما ڤەگەراندنا تەڤگەرا بازرگانی ل گەروویێ هورمز
دووشەمبی 11ی گولانا 2026 د بەیاننامەکا وەزارەتا بەرگری یا بەریتانی دا هاتیە کو جۆن هیڵی وەزیرێ بەرگریێ بەریتانیا دگەل کاترین ڤۆترین هاوتایا خۆ یا فەرەنسی دێ سەرۆکاتیا کۆمبوونەکێ کەن کو نوێنەرێن پتر ژ 40 وەڵاتان تێدا پشکدارن و ئەڤە ژی وەک ئێکەم کۆمبوون دهێت د چوارچۆڤێ ئەرکەکێ نێڤدەوڵەتی دا
وەزارەتێ ئاماژە ب وێ چەندێ کر کو ئەڤ کۆمبوونە پشتی دیدارەکا دوو ڕۆژی ل لەندەن دهێت کو ل مەها نیسانا دەربازبووی هاتبوو ئەنجامدان بۆ گەنگەشەکرنا لایەنێن پراکتیکی یێن پاراستنا کەشتیان پشتی گەهشتن ب ئاگرپەستەکا بەردەوام
هیڵی گۆت ئەم ڕێککەفتنێن دیپلۆماسی دێ گۆهۆڕین بۆ پلانێن سەربازی یێن پراکتیکی دا کو باوەری بۆ تەڤگەرا کەشتیان ل گەروویێ هورمز بزڤریت
ئەڤ پێنگاڤە پشتی وێ چەندێ دهێت کو فەرەنسا و بەریتانیا کەشتیێن جەنگی ڕەوانەی ڕۆژهەڵاتا ناڤەڕاستکرینە و پاریس کەشتیا فڕۆکەهەڵگر شارل دیگۆل فرێکریە و لەندەن ژی ڕەوانەکرنا کەشتیا جەنگی HMS Dragon ڕاگەهاند و هەردوو وەڵاتان جەخت ل سەر وێ چەندێ کر کو ئەڤ جووڵە د چوارچۆڤێ ئامادەکاریێن پێشوەختە دانە
ل هەمبەر ڤێ چەندێ کازم غەریب ئابادی جێگرێ وەزیرێ دەرڤە یێ ئیرانێ هۆشداری دا بەریتانیا و فەرەنسا و گۆت کەشتیێن وان یان یێن هەر وەڵاتەکێ دی دێ ڕووبەڕووی بەرسڤەکا توند و خێرا بن و گۆت ژی بتنێ ئیران دشێت ئاسایشێ ل ڤی گەرووی دابین بکەت
پاشان ئیمانوێل ماکرۆن سەرۆکێ فەرەنسا ڕاگەهاند کو وەڵاتێ وی چ جاران بیر ل بەلاڤکرنا هێزێن دەریایی ل ناڤ گەروویێ هورمز نەکریە بەڵکو بیر ل ئەرکەکێ ئەمنی ب هەماهەنگی دگەل ئیرانێ دکەن و ماکرۆنی ڕەت کر کو ڕازی بن ب گرتنا گەرووی یان سەپاندنا چ باجان بۆ دەربازبوونا کەشتیان
بەری دەستپێکرنا شەڕێ ئەمریکا و ئیسرائیل دژی ئیرانێ ل شوباتا 2026 نێزیکی پێنجیەکا پەترۆلا جیهانێ د گەروویێ هورمز دا دەرباز دبوو لێ پشتی هینگێ تەڤگەرا کەشتیان گەلەک کێم بوو پشتی ئیرانێ گەروو هەتا ڕادەیەکی گرتی و ئەڤ چەندە بوو ئەگەرێ بلندبوونا بهایێ پەترۆلێ و پاشان ئەمریکا گەمارۆ خستنە سەر بەندەرێن ئیرانی وەک بەرسڤدانەکۆ