ل دهۆكێ پرتووكا (پهیاما گولانێ) ئە ڤرو یا ئێك ژ پێشمهرگهیێن دهستپێكا شۆڕشا گولانێ و دێرین هاته داهێنان و بهلاڤكرن.
ئهڤرۆ ل هۆلا كۆنفرانسان یا زانینگهها دهۆكێ، رێورهسمێن ئیمزاكرنا پرتووكا بیرهوهرییێن پێشمهرگهیێ دێرین (فوئاد میرانى) پێشمەرگێ هاتنه كرن.
د رێورهسمێ، فازل میرانى، ئهندامێ مهكتهبا سیاسییا پارتى، زهعیم عهلى، سهربهست لهزگین، و گەلەک ئەندامێن دی رێکخستنا پارتى و گهلهك ژ بهرپرس و پێشمهرگهیێن دێرین ئاماده ببوون.
پرتووكا فوئاد میرانی ژ لایێ سهنتهرێ كۆماته یێ دكیۆمێنتكرنا بیرهوهریێن شۆڕشێ هاتییه ئامادەکرن.
رێڤەبەرێ سهنتهرێ كۆماته رزگار كێستهیی راگههاند، د 4 سالان دا شیاینه بیرهوهرییێن و بیرهاتنێن 355 پێشمهرگهیان تۆمار بكهن و دێ لسهر كارێ خۆ، ب پشتهڤانییا سهرۆكێ ههرێما كوردستانێ، سهرۆك نێچیرڤان بارزانى بهردهوام بن.
