نڤیسینگەها رزگارکرنا رەفاندیێن ئێزیدی راگەهاند کو کچەکا ئێزیدی پشتی 11 سالان ل دەرڤەی عێراقێ ژ دەستێن داعشێ هاتە رزگارکرن ئەڤرۆ دوشەمبی رێکەفتی 4ی ئایارا 2026ێ نڤیسینگەها رزگارکرنا رەفاندیێن ئێزیدی ئازادکرنا کچەکا گەنج ب ناڤێ جەمیلا بابیر حاجەم راگەهاند
ئەڤ کچە خەلکا کومەلگەها تەل قەسەبە یە ل شنگالێ و پشتی11 سالان ژ رەفاندنا وێ د دەمێ هێرشێن رێخراوا داعش دا هاتە رزگارکرن ب ماهیر شنگالی جەمیلا د دەمێ رەفاندنێ دا تەمەنێ وێ حەفت سال بوون و دگەل حەفت ئەندامێن خێزانا خۆ هاتبوو رەفاندن
هەمی ئەندامێن خێزانا وێ د دەمێن پێشتر دا هاتینە رزگارکرن تنێ بابێ وێ نەبیت کو هەتا نوکە چارەنڤیسێ وی یێ نادیارە ب رزگارکرنا ڤێ کچێ هەژمارا رزگاربوویان ژ دەستپێکا کومەلکوژیێ تا نوکە گەهشتە 3596 کەسان و بزاڤ بەردەوامن بۆ زانینا چارەنڤیسێ رەفاندیێن دی
ب گۆرهەی ئامارێن فەرمی یێن نڤیسینگەها رزگارکرنا رەفاندیێن ئێزیدی ل دەمێ هێرشێن رێخراوا داعش بۆ سەر شنگالێ و دەوروبەرێن وێ ل سێی تەباخا 2014ێ نێزیکی 6417 وەلاتیێن ئێزیدی هاتینە رەفاندن ژ وێ هەژمارێ تا نوکە زێدەتر ژ 3596 کەسان هاتینە رزگارکرن و چارەنڤیسێ زێدەتر ژ 2550 کەسێن دی هێشتا یێ نادیارە
نڤیسینگەها رزگارکرنا رەفاندیێن ئێزیدی یا بەردەوامە ل سەر گەڕیان و دویڤچوونێ بۆ دیتنا وان رەفاندیێن کو ماینە و پتریا ڤان پرۆسان ب هەماهەنگی دگەل لایەنێن پەیوەندیدار و کەسایەتیێن خۆبەخش دهێنە ئەنجامدان بۆ ڤەگەراندنا قوربانییان بۆ ناڤ خێزانێن وان