ئەڤرۆ رۆژا یەکشەمبی رێڤەبەرییا گشتی یا هاتنوچوونا هەرێما کوردستانێ د راگەهاندنەکێ دا هویرکاری و رێکارێن دەرخستنا مۆلەتا شوفێرییا نێڤدەولەتی بۆ وەلاتیان بەلاڤ کر
ل دویف راگەهاندنێ وەلاتی دشێن ل رێڤەبەرییا گشتی یا هاتنوچوونا هەرێمێ و هەمی رێڤەبەرییێن پارێزگەهان و ئیدارەیێن سەربەخۆ مۆلەتێ بدەستڤە بینن
ئاماژە ب وێ یەکێ ژی دا کو ئەو پێتڤیێن دڤێت وەلاتی بۆ دەرخستنا مۆلەتێ دگەل خۆ ببەن پێکهاتینە ژ مۆلەتا شوفێرییا رەسەن کو کارا بیت و ب سەر نەچۆبیت و پاسپۆرتا رەسەن کو کارا بیت و ب سەر نەچۆبیت دگەل دوو وێنەیێن رەنگاوڕەنگ
هەروەسا رێڤەبەرییا هاتنوچوونێ راگەهاند کو مۆلەتا شوفێرییا نێڤدەولەتی ب سێ شێوازان و ل دویف ماوێ کارابوونێ ب ڤان رسۆماتێن ل خوارێ دێ هێتە دان ب شوفێران
بۆ ماوێ ئێک سال ب کۆژمێ شەست هزار دیناران دهێتە وەرگرتن
بۆ ماوێ دوو سالان ب کۆژمێ سەد و دەه هزار دیناران دهێتە وەرگرتن
بۆ ماوێ سێ سالان ب کۆژمێ سەد و شەست هزار دیناران دهێتە وەرگرتن
ل دووماهییا راگەهاندنێ دا هاتیە کو وەلاتی دشێن ب شێوەیەکێ بلەز مامەلەیێن خۆ ئەنجام بدەن ب رەنگەکێ کو تنێ د ماوێ سیه خولەکان دا مامەلە دێ ب دووماهی هێت و مۆلەت دێ هێتە دانە شوفێری
بادینان دەیلی