وەزارەتا چاندن و ژێدەرێن ئاڤێ یا حکۆمەتا هەرێما کوردستانێ د نڤیسارەکا فەرمی دا کو ئاراستەی محەمەد شیاع سوودانی سەرۆک وەزیرێن عێراقێ کریە نیگەرانی و نەرازیبوونا وەزارەتێ نیشان دا بەرامبەر وێ کوژمێ گەنمی یێ کو هاتیە بڕیار دان بۆ وەرزێ ٢٠٢٥-٢٠٢٦ ژ جۆتیارێن هەرێمێ بهێتە وەرگرتن
ئێکشەمبی ١٩ێ نیسانا ٢٠٢٦ێ ل دویف نڤیسارەکا وەزارەتا چاندن و ژێدەرێن ئاڤێ یا حکۆمەتا هەرێما کوردستانێ لیژنا تایبەتمەند ل بەغدا پێشنیار کریە بڕێ ٣ ملیۆن و ٨٠٠ هزار تۆنێن گەنمی ژ پارێزگەهێن ناڤەڕاست و باشوور بهێنە وەرگرتن د بەرامبەر دا تنێ ٢٩٢ هزار تۆن بۆ پارێزگەهێن هەرێما کوردستانێ هاتینە دیارکرن نوینەرێن هەرێمێ ئەڤ پێشنیارە رەت کر و ب نهدادپەروەرانە و دوور ژ بنەمایێن زانستی وەسف کر
ل سەر ڤێ یەکێ هیوا عەلی پەیڤدارێ وەزارەتا چاندن و ژێدەرێن ئاڤێ یا حکۆمەتا هەرێما کوردستانێ بۆ کوردستان٢٤ راگەهاند د بەرامبەر وێ نهدادپەروەرییا د پرۆسەیا وەرگرتنا گەنمی دا دەرهەقێ جۆتیارێن هەرێمێ هاتیە کرن وەزارەتا چاندنێ نڤیسارەکا فەرمی ئاراستەی سەرۆک وەزیرێن عێراقێ کریە کو تێدا نەرازیبوونا خوە دژی وێ بڕیارێ دیار کریە کو لیژنا بلندا چاندنا عێراقێ ل دۆر بڕێ وەرگرتنا گەنمی ژ جۆتیارێن هەرێمێ بۆ ئەڤ سالە دایە
ئاماژە ب وێ یەکێ ژی کر د نڤیسارێ دا هۆشداری هاتیە دان ئەگەر حکۆمەتا فیدرال بڕێ پێدڤی یێ گەنمی ژ جۆتیارێن هەرێمێ وەرنەگریت جۆتیار دێ نەچار بن بەرهەمێن خوە ب بهایەکێ گەلەک ئەرزان بفروشنە بازرگانان و بازرگان ژی هەمان گەنمی دبنە ناڤەڕاست و باشوورێ عێراقێ و ب بهایەکێ گران دفروشنە سایلۆیێن حکۆمەتێ کو ئەڤە ژی زیانەکا مەزن دگەهینتە جۆتیارێن هەرێمێ
هیوا عەلی گۆت ژی مە داخواز ژ حکۆمەتا عێراقێ کریە کێمتر ٥٠٪ ژ کۆما بەرهەمێ پێشبینیکری یێ هەرێمێ کو دکەتە ١ ملیۆن و ٢٥٠ هزار تۆنێن گەنمی وەرگریت د بەرامبەر دا وەزارەتا چاندنا هەرێمێ دێ پابەند بیت ب رێگریکرنێ ژ هاوردەکرنا گەنمێ دەرەکی و کۆنترۆلکرنا توند یا لڤینا گەنمی د ناڤبەرا پارێزگەهان دا د دەمێ دروینێ دا
ئەڤ داخوازیا وەزارەتا چاندنێ د دەمەکێ دایە ئەڤ سالە رووبەرێ ٣ ملیۆن و ٣٠٠ هزار دۆنەمێن ئەردی ل هەرێما کوردستانێ ب گەنمی هاتینە چاندن و جۆتیار چاڤەڕێی پشتەڤانیا حکۆمەتێ دکەن بۆ ساخکرنا بەرهەمێن خوە هەروەسا ل دویف بڕیارەکا لیژنا بلندا چاندنێ یا عێراقێ ل ناڤەڕاست و باشوورێ وەلاتی بۆ هەر دۆنەمەکێ ٧٥٠ بۆ ٩٠٠ کیلۆگرامێن گەنمی دهێنە وەرگرتن بەلێ ئەو بڕێ بۆ هەرێمێ هاتیە دیارکرن یەکسانە ب تنێ ٨٨.٥ کیلۆگرامان بۆ هەر دۆنەمەکێ ئەڤە ژی د دەمەکێ دایە ئەڤ سالە ژبەر بارانبارینا زۆر و گونجای کو د ناڤبەرا ٦٠٠ بۆ ١٠٠٠ ملم دایە پێشبینی دهێتە کرن بەرهەمێ گەنمی یێ هەرێمێ بگەهیتە پتر ژ ٢ ملیۆن و ٥٠٠ هزار تۆنان
سالا ٢٠٢٤ حکۆمەتا عێراقێ نێزیکی ٧٠٠ هزار تۆنێن گەنمێ جۆتیارێن هەرێما کوردستانێ وەرگرتن سالا ٢٠٢٥ عێراقێ تنێ ٤٠٠ هزار تۆنێن گەنمی وەرگرتن و ئەڤ سالە ژی بڕێ وێ کێمتر کریە بۆ ٢٩٢ هزار تۆنان