سەرۆکێ هەرێما کوردستانێ و سەرۆککۆمارێ تورکیا جەخت ل سەر پێدڤیا ب هێزکرنا هەماهەنگیێن هەمی لایەنی یێن د ناڤبەرا تورکیا و عیراق و هەرێما کوردستانێ دا کر ژ بۆ مسۆگەرکرنا گەشەپێدانا ئابووری و چەسپاندنا پایێن سەقامگیریێ ل دەڤەرێ
ئێڤاریا ئەڤڕۆ شەمبی ١٨ێ نیسانا ٢٠٢٦ێ د بەردەوامیا پشکداری و چالاکیێن دیپلۆماسی یێن خوە دا ل کۆڕبەندا دیپلۆماسی یا ئەنتاڵیا نێچیرڤان بارزانی سەرۆکێ هەرێما کوردستانێ ل گەل رەجەب تەیب ئەردۆغان سەرۆککۆمارێ تورکیا دیدارەک ئەنجام دا
ل دویف راگەهاندنا فەرمیا سەرۆکاتیا هەرێما کوردستانێ د دیدارێ دا گۆتۆبێژەکا کویر و هەمی لایەنی ل دۆر رێکێن ب هێزکرنا هاریکاریێن تورکیا ل گەل عیراق و هەرێما کوردستانێ برێڤە چوو
هەر دوولایان ب هووری بیر و بۆچوونێن خوە ل دۆر داویا گوهۆڕین و پێشهاتێن سیاسی یێن دەڤەرێ گوهۆڕین و جەخت ل سەر پابەندیا هەڤپشک یا بۆ پێشخستنا گەشەپێدانێ و پاراستنا سەقامگیریێ ل دەڤەرێ کر
تەوەرەکێ سەرەکیێ دیدارێ هاتبوو تەرخانکرن بۆ بەرفرەهکرنا ئاسۆیێن هاریکاریا هەڤپشک د بوارێن جودا جودا دا نێچیرڤان بارزانی و ئەردۆغان دووپات کر کو د بن سێبەرا ئالۆزیێن نوکە دا دیالۆگ و پەنابرن بۆ مێزا گۆتۆبێژان کارتێکەرترین و باشترین رێکە بۆ چارەسەرکرنا قەیرانان و مسۆگەرکرنا بەرژەوەندیێن ستراتیژی
ل دوماهیا دیدارێ چەندین پرسێن دی یێن جهێ بایەخا هەڤپشک کو رەهەندێن دەڤەری و نێڤدەولەتی هەبوون ژ ئالیێ هەر دوولایان ڤە هاتنە گۆتۆبێژکرن ب مەرەما هەماهەنگیا پتر د ناڤبەرا هەولێر و ئەنقەرە دا د پاشەرۆژێ دا