وەزارەتا ئەوقاف و کاروبارێن ئایینی ب رێکا رێڤەبەریا گشتی یا حەج و عومرێ رادگەهینیت ژ پێخەمەت بەرژەوەندیا گشتی و گەرەنتیا چوونا حاجیێن هەرێما کوردستانێ بۆ سعوودیێ ب هەماهەنگی دگەل دەستەیا بلندا حەجێ گەهشتنە وێ رێککەفتنێ کو گەشتێن حەجێ یێن ئەڤسالە دێ ب رێکا کیشوەرێ بن هەروەک حاجیێن عیراقێ.
هەروەسا وەزارەتێ دیار کر کو بریارە ل دەستپێکا مەها بهێت حاجیێن هەرێما کوردستانێ ب ڕێکا کیشوەرێ گەشتێ بکەن و د روژێن داهاتی دا ب هەماهەنگی دگەل دەستەیا بلندا حەج و عومرێ یا عیراقێ دێ شێواز و رێکارێن چوونا حاجیان هێنە رێکخستن و بەلاڤکرن.
دەربارەی قەرەبووکرنا حاجیێن کوردستانێ ژبەر کو بریار بوو ب رێکا ئەسمانی گەشتێ بکەن لێ ژبەر تێکچوونا بارودۆخێ دەڤەرێ و گرتنا ئەسمانێ عیراقێ و فرۆکەخانەیان نوکە بتنێ ب رێکا کیشوەرێ دێ گەشت هێتە کرن. وەزارەتا ئەوقافێ هەموو هەولان ددەت د رێکا دەستەیا بلندا حەج و عومرێ یا عیراقێ ڤە مافێ وان یێ مادی یێ جوداهیا بهایی وەک سالا پار بۆ بهێتە زڤراندن.
پشکەکا مەزن ژ بەرهەڤیێن حەجێ هاتینە تمامکرن و د داهاتی دا دێ رێکار و رێنمایێن نوی بۆ وەلاتیان هێنە ئاشکراکرن.