ل کەنارێن عومانێ هێرش کرە سەر کەشتیەکا بریتانی
ئاژانسا ئۆپەراسیۆنێن بازرگانی یێن دەریایی یێن بریتانی ڕاپۆرتا هێرشکرنە سەر کەشتیەکا بارهەلگر ل نێزیک عومانێ بەلاڤکر.
ئاژانسا ئۆپەراسیۆنێن بازرگانی یێن دەریایی یێن بریتانی (UKMTO) ڕاگەهاند، کەشتیەکا ڤەگوهاستنا کۆنتێنەران ل کەنارێن عومانێ و ل جهەکێ نێزیک ژ گەروویێ هورمز ڕووبەڕووی هێرشێ بوویە.
ل دویف ڕاپۆرتێ، کەشتی ٢ جاران هاتیە ئارمانجکرن و ب ئەگەرێ هێرشان ئاگر بەربوویە پشتا کەشتیێ. هەڤدەم ئاماژە ب وێ یەکێ هاتیە کرن کو هێزا دەریایی یا پاکستانێ دەستبەجێ گەهشتیە جهێ ڕوودانێ و دەستوەردان کریە بۆ هاریکاریکرنا وێ کەشتیا بارهەلگر ل کەنارێن عومانێ.
پشتی دەستپێکرنا شەڕێ غەززە و پاشان زێدەبوونا گرژیان دگەل ئێرانێ، پتر ژ ١٠٠ هێرشان کرینە سەر کەشتیێن بازرگانی د دەریایا سۆر، کەنداڤێ عەدەن و کەنداڤێ عومانێ دا.
بریتانیا ئێکە ژ وان وڵاتێن کو کەشتیێن وێ یێن جەنگی و بازرگانی پترین جاران ڕووبەڕووی گەفان بووینە. تەنێ د دەریایا سۆر و کەنداڤێ عەدەن دا، حوسییان چەندین جاران هێرش کرینە سەر کەشتیێن خودانێن وان بریتانی بن.
گەروویێ هورمز کو د بن دەستهەلاتا هێزێن دەریایی یێن ئیرانێ دایە، چەندین کەشتیێن بازرگانی کو پەیوەندی ب بریتانیا یان وڵاتێن ڕۆژئاڤا ڤە هەبوویە، د ڤێ دەڤەرێ دا هاتینە دەستەسەرکرن یان ب درۆنان هێرش کریە سەر.
ڕۆژنامەنووس لە بادینان دەیلی.
