خواندنا ناڤ پۆلان ل هەمی قوتابخانە و زانکۆ و پەیمانگەهێن هەرێما کوردستانێ دەستپێکرەڤە ئەڤرۆ رۆژا یەکشەمبی دوازدەی نیسانا دوو هزار و بیست و شەش پرۆسەیا خواندنا ناڤ پۆلان ل هەمی قوتابخانە و زانکۆ و پەیمانگەهێن هەرێما کوردستانێ دەستپێکرەڤە پشتی کو ژبەر مەترسی و گەفێن ئەمنی بۆ ماوەیەکێ کاتی ببوو ئۆنلاین ل بیست و حەفتی ئادارا بۆری هەردوو وەزارەتێن پەروەردە و خواندنا بلند ژبەر زێدەبوونا هێرش و گەفان بۆ سەر هەرێما کوردستانێ بڕیارا راگرتنا خواندنا ئاسایی دا و پرۆسە گۆهرین بۆ ئۆنلاین د وی ماوەی دا قوتابخانەیێن حکومی مفا ژ پلاتفۆرمێن ئی-وانە و قوتابخانەکەم و گروپێن ئەلیکترۆنی وەرگرت بۆ پێشکێشکرنا وانە و ئەرکێن مال هەڤدەم کەناڵێن پەروەردەیی یێن هەولێر و سلێمانی و دهۆکێ بەردەوام بوون د پەخشکرنا وانەیان دا بۆ هەمی قۆناغان زانکۆ و پەیمانگەهان ژی ل سیهێ ئادارێ و پێڤە سیستمێن ئۆنلاین یێن خۆ ب کارئینان بۆ بەردەوامیا پرۆسەیا خواندنێ قوتابخانەیێن نەحکومی ژی ل دویڤ سیستەمێن خۆ یێن تایبەت خواندنا ئۆنلاین ئەنجام ددا ب ڤێ چەندێ ژی رێ نەهاتە دان پرۆسەیا پەروەردە و فێرکرنێ ل هەرێما کوردستانێ رابوەستیت ل دویڤ ئاماران ل هەرێما کوردستانێ پتر ژ ملیۆنەک و حەفت سەد هزار قوتابی د قۆناغێن باخچەیێن زارۆکان و بنەرەتی و ئامادەیی یێن حکومی و تایبەت دا پشکدارن هەروەسا پتر ژ دوو سەد هزار خواندەڤان ل زانکۆ و پەیمانگەهێن حکومی و نەحکومی دخوینن و نێزیکی سەد و پێنجی هزار مامۆستا و فەرمانبەران سەرپەرشتیا برێڤەبرنا پرۆسەیێ کر