ترەمپ دیسا گەفان ل ئیرانێ دکەت و دبێژیت ئەگەر تەهران پێگیر نەبیت دێ شەڕ ب شێوەیەکێ مەزنتر دەستپێکەتەڤە

سەرۆکێ ئەمریکا دۆناڵد ترەمپ د نویترین پەیاما خۆ دا دیسا زڤری سەر زمانێ گەفان و راگەهاند کو ئەگەر تەهران پێگیر ب رێککەفتنێ نەبیت دێ شەڕ سەرژنوی دەستپێکەتەڤە ترەمپی دیار کر کو هەمی کەشتی و فرۆکە و سەربازێن ئەمریکا دگەل تەقەمەنی و چەک و هەر تشتەکێ پێدڤی دێ ل نێزیک ئیرانێ و دەردۆرێن وێ ب جێگیری مینن هەتا ئەو دەمێ ب تەمامی یا پێگیر بیت ب رێککەفتنا راستەقینە سەرۆکێ ئەمریکا هۆشداری دا کو ئەگەر ئیران یا پێگیر نەبیت کو ئەو وێ چەندێ ب دویر دبینیت دێ شەڕ ب شێوەیەکێ مەزنتر و ب هێزتر ژ وێ چەندا کو بەری نوکە چ ئالیەکێ نەدیتبیت دەستپێکەتەڤە هەروەسا ترەمپی دوپات کر کو د رێککەفتنێ دا مەرجەک هاتیە دانان کو سەرکای هەمی پروپاگندەیێن نەراست ئیران نابیتە خودان چەکێ ئەتۆمی و تەنگاڤا هورمز دێ ب ڤەکری و پاراستی مینیت