ئەردۆغان و ترەمپ رەوشا ئاگربەستا ناڤبەرا ئەمریکا و ئیرانێ گەنگەشە دکەن

سەرۆککۆمارێ تورکیا و سەرۆکێ ئەمریکا د پەیوەندیەکا تەلەفۆنی دا رەوشا ئاگربەستا ناڤبەرا واشنتن و تارانێ و دوماهی پێشهاتێن سیاسی و سەربازی یێن دەڤەرێ گەنگەشە کرن و ئەردۆغانی راگەهاند کو ئەڤ ئاگربەستە دەلیڤەکا مەزنە بۆ ئاشتیا هەمیشەیی فەرمانگەها پەیوەندیێن سەرۆکایەتیا کۆمارا تورکیا د راگەهاندنەکێ دا دیار کر کو ئێڤاریا رۆژا چارشەمبی رێکەفتی ٨ی نیسانا ٢٠٢٦ رەجەب تەیب ئەردۆغان سەرۆککۆمارێ تورکیا و دۆناڵد ترەمپ سەرۆکێ ئەمریکا پەیوەندیەکا تەلەفۆنی ئەنجام دا و ل دویف راگەهاندنێ تەوەرێ سەرەکی یێ ئاخفتنێ تایبەت بوو ب وێ ئاگربەستا دوو حەفتی یێن ناڤبەرا ئەمریکا و ئیرانێ هاتیە راگەهاندن ئەردۆغانی کەیفخۆشیا خۆ ب وی هەنگاڤی دەربری و گۆت پشتی ٤٠ رۆژێن سەخت و پڕی ئاڵۆزی بۆ جیهانێ ئەڤ دەلیڤەیا دوو حەفتی یێن هاتیە پێش دەلیڤەکا مەزنە بۆ رێککەفتنا ئاشتیا هەمیشەیی هەروەسا سەرۆککۆمارێ تورکیا هۆشداری دا کو دڤێت ئەڤ ماوەیە ب باشی بهێتە بکارئینان و گۆت پێدڤیە رێ نەهێتە دان ئەڤ پرۆسەیە بهێتە تێکدان و د پشکەکا دی یا پەیوەندیێ دا ئەردۆغانی جەخت ل سەر رۆڵێ وەڵاتێن دەڤەرێ کر بۆ سەقامگیرکرنا رەوشێ و دیار کر کو تورکیا ب هێز دێ بەردەوام بیت د پشتگیریا هەوڵێن چارەسەریێ دا کو دگەل پاکستان و وەڵاتێن دی یێن دۆست و برا دهێنە ئەنجامدان ئەڤ پەیوەندیا ئەردۆغان و ترەمپی د دەمەکێ دایە کو سەرۆکێ ئەمریکا راگەهاندبوو ل سەر بنیاتێ ناڤبژیکاریا دەولەتا پاکستانێ و پێشنیارا ١٠ خاڵی یا ئیرانێ بڕیار داینە بۆ ماوێ دوو حەفتیان هێرشێن خۆ بۆ سەر وی وەڵاتی راگرن دا کو دەلیڤە بۆ دیپلۆماسیەتێ پەیدا ببیت