بادینان دەیلی
دۆناڵد ترەمپ سەرۆکێ ئەمریکا ل بەردەم بڕیارەکا دیرۆکی دایە یان جێبەجێکرنا گەفێن وێرانکرنا ژێرخانێ ئێرانێ کو بڕیارە دەمژمێر هەشتێ شەڤ ب دەمێ رۆژهەلاتێ ئەمریکا دەست پێ بکەت یان ژی درێژکرنا مۆلەتێ بۆ پێدانا دەلیڤەیێ ب دانوستاندنان ل دویڤ مالپەرێ ئەکسیۆس دۆناڵد ترەمپ د ناڤبەر بەرپرسێن بلند یێن ئیدارا خۆ دا توندترین هەلویست بەرامبەر ئێرانێ هەیە سەرچاوەیەکێ ئەمریکی دبێژیت ترەمپ بەرامبەر ئێرانێ گەلەک یێ توندە و بەرپرسێن وەک پیت هێگسەس وەزیرێ بەرگریێ و مارکۆ رۆبیۆ وەزیرێ دەرڤە ل چاڤ ترەمپی وەک کۆترێن ئاشتیێ دەرکەفتینە ترەمپی دەست ب ڕاوێژان کریە دگەل هاریکارێن خۆ ل دۆر پلانا وێرانکرنا وێستگەهێن کارەبێ و پرێن ئێرانێ و ناڤێ وێ ڕۆژێ کریە ڕۆژا ژێرخانی
د ناڤ کۆشکا سپی دا دابەشبوون هەیە تیپا دانوستاندنکار یا ترەمپی کو ژ جەی دی ڤانس و ستیڤ ویتکۆف و جارید کۆشنەر پێکدهێت دبێژن دڤێت ترەمپ هەوڵا ڕێککەفتنێ بدەت لێ بنیامین نەتەنیاهوو سەرۆکوەزیرێ ئیسرائیل و حکومەتێن سعوودیە و ئیمارات و کەسێن وەک لیندزی گراهام هانی ترەمپی ددەن چو ڕێککەفتنان ئیمزا نەکەت ئەگەر ئێران سازشێن مەزن نەکەت وەک ڤەکرنا تەنگاڤا هورمز و رادەستکرنا هەمی یۆرانیۆما پیتاندی ئێرانێ ڕۆژا دووشەمبی بەرسڤەکا دەهـ خانی بۆ پێشنیارێن ئاشتیێ هنارت هەرچەندە بەرپرسێن ئەمریکا وێ بەرسڤێ ب زۆرخوازانە دبینن لێ کۆشکا سپی وەک تەڵەیەکا دانوستاندنێ لێ تەماشە دکەت ناڤبەرکارێن وەک پاکستان و میسر و تورکیا ب واشنتن ڕاگەهاندینە کو بڕیاردان ل تارانێ گەلەک یا سستە چونکی سەرکردە ژ ترسا ئەمنی نەشێن پەیوەندیێن ئاسایی بکەن
ترەمپی دووێ دیدەڤانیەک بۆ پاشەڕۆژا ئێرانێ کێشا و گۆت هەمی وەلات دشێت د ئێک شەڤ دا بهێتە ژناڤبرن و ڕەنگە شەڤا سۆباهی بیت سەرۆکێ ئەمریکا ڕاگەهاند پلان هەیە هەمی پرێن ئێرانێ هەتا دەمژمێر دوازدەی شەڤا سۆباهی بهێنە تێکشکاندن و هەمی وێستگەهێن کارەبێ ژ کار بکەڤن و ب سۆژن و بتەقن مەبەستا وی وێرانکاریەکا تەمامە د تەنێ چوار دەمژمێران دا لێ د هەمان دەم دا ترەمپی دووپات کر کو ئەو نەڤێت ئەڤ چەندە ڕوو بدەت و ئاماژە ب وێ چەندێ کر کو دانوستاندن ب باشی بڕێڤە دچن و لایەنێ بەرامبەر ژی ب نیازپاکی دئاخڤیت دوو سەرچاوێن ئاگەهدار دبێژن پلانا بۆردۆمانکرنا بەرفرەهـ یا دامەزراوەیێن وزەی ل ئێرانێ ژ لایێ ئەمریکا و ئیسرائیلێ ڤە یا ئامادەیە و تەنێ چاڤەڕێی فەرمانا ترەمپی نە