رێڤەبەرێ نوی یێ کارەبا دهۆکێ پەیامەکێ ئاراستەی هاونیشتیمانییان دکەت و دبێژیت پشتراستیێ ددەینە هەمیان هەر کێشەیەکا وان هەبیت دێ دیڤچوون بۆ هێتە کرن هەتا دهێتە چارەسەرکرن دەربارەی بلندییا نرخێ پسوولەیان ژی دبێژیت پارەیێ چەند مەهان پێکڤە بۆ وان زڤریە
رۆژا دووشەمبی 6ێ نیسانا 2026 ئەندازیار حازم محەمەد رێڤەبەرێ نوی یێ گشتی یێ کارەبا دهۆکێ ب وەکالەت ب راگەهاند دوهی یەکەم رۆژا دەستبکاربوونا من بوو و مە کۆبوونا خۆ یا ئاسایی کر ئەم هەمی هاونیشتیمانییان پشتراست دکەین کو هەر کێشەیەکا وان د کارەبێ دا هەبیت دێ دیڤچوون بۆ هێتە کرن هەر کەسەکێ گلەیی و گازندە هەبن دشێت سەرەدانا مە بکەت و مە ئاگەهدار بکەت چونکی دیڤچوون بۆ هەمی کێشان دهێتە کرن و د زوترین دەم دا دێ چارەسەر کەین
دەربارەی وان نەرازیبوونا ل سەر بلندییا کوژمێ پارەیێ کارەبا 24 دەمژمێری دروست ببووین رێڤەبەرێ کارەبا دهۆکێ گۆت ئەو کەسێن پارەیەکێ زۆر بۆ هاتین ئێک ژ ئەگەران ئەوە کو چەند مەهان پسوولە بۆ وان نەهاتبوونە ڤەگەراندن و پاشان پسوولەیا چەند مەهان پێکڤە بۆ وان چوویە و هەر ئەڤێ چەندێ وایکریە کو کوژمێ پارەی زۆر بیت
ب گۆتنا ئەندازیار حازم محەمەد هەروەسا سیستم یێ نوی یە و چێدبیت هندەک کێشەیێن تەکنیکی یێن بچووک هەبن بەلێ هەمی بزاڤان دکەن بۆ چارەسەرکرنا وان
رۆژا 4ێ نیسانا 2026 کەمال محەمەد وەزیرێ کارەبێ ل دهۆکێ د کۆنفرانسەکێ رۆژنامەڤانی دا دویرخستنا رێڤەبەرێ کارەبا دهۆکێ و راسپاردنا حازم محەمەدی ل شوینا وی راگەهاند