بادینان دەیلی
ل دویڤ نووترین ئامارێن تورا میدیایی یا رووداو، ژ دەسپێکا جەنگێ د ناڤبەرا ئەمریکا و ئیسرائیلێ د گەل ئیرانێ ل ٢٨ێ شوباتێ، هەرێما .کوردستانێ ب ٦٥٠ درۆن و مووشەکان هاتیە کرارەکردن
ئامارا ٢٤ دەمژمێرێن بورین:
د ٢٤ دەمژمێرێن بورین دا، ١٢ درۆن ئاراستەی هەرێمێ هاتینە کرن؛ ٩ ژ وان ل سەر هەولێر و کۆیێ بوون و ٣ درۆنێن دی ژی ل سەر پارێزگەها سلێمانیێ بوون. ل دویڤ زانیاریان، د وێ ماوێ دا چو هێرش ل سەر سنوورێ پارێزگەها دهۆک و هەڵەبجە و ئیدارا سۆران نەهاتینە تۆمارکرن.
دابەشبوونا هێرشان ل سەر پارێزگەهان:
پارێزگەها هەولێرێ: ٥١٦ درۆن و مووشەک
پارێزگەها سلێمانیێ: ١٠٧ درۆن و مووشەک
پارێزگەها دهۆکێ: ٢٥ درۆن و مووشەک
پارێزگەها هەڵەبجە: ٢ درۆن
قوربانیێن هێرشان
ژ ئەنجامێ ڤان هێرشان ژ ٢٨ێ شوباتێ و هەتا نوکە، ١٤ کەسان گیانێ خۆ ژ دەست دایە و ٩٣ کەسێن دی ژی بریندار بووینە. د ناڤ قوربانیان دا پێشمەرگە، کارمەندێن ئاسایشێ، سەربازەکێ فەرەنسی و ١٨ کەسێن سڤیل (ژ وان ژی زارۆک و قوتابی) هەنە.
جهێن هاتینە بۆردۆمانکرن
- ل هەولێر و دەوروبەر: (هەریر، خەبات، پیرزین، بنکەیێ پێشمەرگەی، کەمپا ئازادی ل کۆیێ، فڕۆکەخانەیا هەولێرێ، سۆران و چۆمان).
- ل سلێمانیێ: (شێخ وەیساوا، زڕگوێز، سورداش، کفری و چیایێ زمناکۆ).
- ل دهۆکێ: (کێلگەها نەفتا سەرسنگێ، کەمپا باجد کەنداڵ، ئاکرێ، بەردەڕەش، گەڕەکێ ماڵتا و کێلگەها نەفتا چەمانکێ).
- ل هەڵەبجە: (چیایێ شنروێ).
ئەڤ هێرشە د دەمەکێ دانە کو شەڕێ دەڤەرێ رۆژ بۆ رۆژێ بەر ب ئالۆزیێن پتر ڤە دچیت و هەرێما کوردستانێ ژی کەفتیە د ناڤەندا ڤان هێرشێن بەردەوام دا.