بادینان دەیلی:
بالیۆزخانەیا بەریتانیا ل بەغدا د پەیامەکا فەرمی دا، ب توندی سەرکۆنەیا وان هێرشێن “نەپەسەند” کر ئەوێن کرینە ئارمانج جهێ ئاکنجیبوونا سەرۆکێ هەرێما کوردستانێ ل باژێرێ دهۆکێ و چەند دەڤەرێن دی یێن هەرێمێ.
دلگرانی بەرامبەر پەرەسەندنا ئەمنی:
د پەیامێ دا، بالیۆزخانەیا بەریتانیا نیگەرانییا خۆ بەرامبەر تێکچوونا بارودۆخێ ئەمنی دەربڕی و ڕاگەهاند: “ئەم داخوازا هێورکرنا بلەز یا بارودۆخی دکەین، ژ پێخەمەت پاراستنا سەقامگیری و ئاسایشا گشتی ل عێراقێ و ب تایبەتی ل هەرێما کوردستانێ.”
پاراستنا سەروەرییا ئاخا هەرێمێ:
ئەڤ هەلویستێ وڵاتێ بەریتانیا ل دەمەکی دهێت کو دەڤەر دناڤ چەندین هێرش و ئالۆزییێن ئەمنی دا دەرباز دبیت. وەلاتێن هەڤپەیمان د هەلویستێن خۆ دا جەخت ل سەر پاراستنا سەروەرییا ئاخا هەرێمێ و عێراقێ دکەن و ڤێ یەکێ وەک فاکتەرەکێ سەرەکی بۆ ئارامییا هەمی دەڤەرێ دبینن.
ئەڤ شەرمەزارکرنا بەریتانیا زێدەکارییەکە بۆ سەر زنجیرەکا هەلویستێن نێڤدەولەتی یێن کو پشتی هێرشا سەر مالا نێچیرڤان بارزانی ل دهۆکێ هاتینە ڕاگەهاندن.