رێڤەبەرێ گشتی یێ ئاڤ و ئاڤرێژا هەرێما کوردستانێ ب دوماهی هاتنا دەمێ داشکاندنا قەرێ ئاڤێ راگەهاند و دبێژیت د چار مەهان دا نێزیکی 14 ملیار دیناران وەک داشکاندن بۆ هاونیشتیمانییان هاتینە ڤەگەراندن و دەمێ وێ ناهێتە درێژکرن
رۆژا دووشەمبی 6ێ نیسانا 2026 ئاری ئەحمەد رێڤەبەرێ گشتی یێ ئاڤ و ئاڤرێژا هەرێما کوردستانێ بۆ تۆرەیا میدیایی یا رووداو راگەهاند داشکاندنا تایبەت ب بەستنا پیڤەرێ ئاڤێ کو بۆ دەمێ چار مەهان بەردەوام بوو ل دەستپێکا ڤێ مەهێ ب دوماهی هات د وی دەمی دا زێدەتر ژ 7500 کەسان مفا وەرگرت و ب کۆما گشتی نێزیکی 14 ملیار دیناران داشکاندن بۆ هاونیشتیمانییان هاتە کرن
دەربارەی ئەگەرێ درێژکرنا بڕیارێ رێڤەبەرێ گشتی یێ ئاڤێ تەئکید کر کو ئێدی دەمێ وێ داشکاندنێ ناهێتە درێژکرن چونکی د چەند سالێن بۆری دا 4 جاران هاتیە درێژکرن
ل هەرێما کوردستانێ دوو جۆرێن کرێیا ئاڤێ هەنە ئاری ئەحمەد گۆت ئەو هەڤپشکێن پیڤەر بەستین مانگانە ل دویڤ بکارهینانێ بڕێ 0 تا 45 هزار دیناران بۆ وان دهێت بەلێ ئەوێن پیڤەر نەبەستین مانگانە ئێکسەر بڕێ 45 هزار دیناران بۆ وان دهێتە هەژمارکرن
ل دویڤ ئامارێن رێڤەبەریا گشتی یا ئاڤ و ئاڤرێژێ نوکە ئێک ملیۆن و دوو هزار هەڤپشکێن ئاڤێ ل هەرێما کوردستانێ هاتینە تۆمارکرن کو 90% ژ وان پیڤەرێ ئاڤێ بەستیە و پابەندیەکا زۆر یا هاونیشتیمانییان بۆ بەستنا پیڤەری هەبوویە