کاش پاتێل رێڤەبەرێ نڤیسینگەها ڤەکۆلینێن فیدراڵی FBI سکالایەکا یاسایی ب کوژمێ 250 ملیۆن دۆلاران دژی کۆڤارا ئەتڵانتیک تۆمار کر ئەڤە ژی پشتی بەلاڤکرنا راپۆرتەکێ کو تێدا تۆهمەتبار کربوو ب وێ یەکێ کو د کارێ خوە دا یێ سەرکەفتی نینە و بەردەوام مژوولی ڤەخوارنا کحولێ یە
کاش پاتێل ئەو گۆتارا کۆڤارێ ب هێرشەکا تژی کین و نەراست وەسف کر د بەرامبەر دا کۆڤارا ئەتڵانتیک راگەهاند کو ئەو پابەندن ب وان پێزانینێن بەلاڤکرین و دێ ل دادگەهێ ب توندی بەرگریێ ژ راپۆرتا خوە کەن و سکالا ب بێ بنگەهـ بناڤ کر
د گۆتارێ دا کو رۆژا ئەینی هاتیە بەلاڤکرن سارا فیتزپاتریک نڤیسەرا بابەتێ ئاماژە ب وێ یەکێ کریە کو پاتێل نیگەرانیەکا زۆر هەبوویە دەربارەی ژ دەستدانا پۆستێ خوە ئەو ژی ژبەر وان پێزانینێن شۆهدەیان ل سەر ڤەخوارنا زۆر یا کحولێ ژ لایێ ناڤبری ڤە داینە کۆڤارێ
سەرەرای ڤان تۆهمەتان کۆشکا سپی بۆ کۆڤارێ راگەهاندیە کو پاتێل وەک ئێک ژ ئەکتەرێن سەرەکی یێن تیمێ یاسا و سیستم یێ دۆناڵد ترەمپی دێ مینیت و رۆل هەبوویە د کێمکرنا رێژەیا تاوانان دا هەروەسا تیمێ ترەمپی دەستخۆشی ل پاتێل کریە بۆ بەرهەڤی و وێرەکیا وی د رووبەرووبوونا نەیارێن سەرۆکی دا
د وێ سکالایێ دا کو ل دادگەها واشنتن هاتیە تۆمارکرن پاتێل تۆهمەت رەتکرینە و رەخنە ل کۆڤارێ گرتینە کو پشتبەستن ب ژێدەرێن نەناسیار کریە نڤیسەرا گۆتارێ ژی دبێژیت چاڤپێکەفتن دگەل زێدەتر ژ 24 کەسان کریە لێ بۆ پاراستنا ژیانا وان ناڤێن وان ئاشکرا نەکرینە
کۆڤارا ئەتڵانتیک هوورکاریێن زێدەتر بەلاڤکرینە و دبێژیت پاتێل ل چەندین یانەیێن تایبەت ل واشنتن و لاس ڤێگاس هاتیە دیتن کو ب گرانی سەرخوەش بوویە ب وێ ئەگەرێ ژی گەلەک جاران کۆمبوونێن فەرمی بۆ دەمەکێ درەنگتر هاتینە پاشخستن هەتاکو باس ل وێ یەکێ هاتیە کرن کو تیمێ پاسەوانێن وی چەندین جاران کێشە هەبوویە د ب خەبەرهینانا وی دا و جارەکێ داخوازا ئامێرەکێ تایبەت کریە بۆ شکاندنا دەرگەهێ ژوورا وی چونکی چ بەرسڤ نەبوویە
ئەڤ پێنگاڤا کاش پاتێل وەک بەردەوامیا وێ ستراتیژیەتێ دهێتە دیتن کو دۆناڵد ترەمپ دژی میدیایان بکار دئینیت حەفتیا دەربازبووی دادوەرەکی سکالایەکا 10 ملیار دۆلاری یا ترەمپی دژی رۆژنامەیا وۆڵ ستریت جۆرناڵ رەتکر هەروەسا ل مەها 9 یا سالا بۆری ژی سکالایەکا 15 ملیار دۆلاری یا دی یا ترەمپی دژی نیویۆرک تایمز هاتە رەتکرن بەری دەستبکاربوونا وی بۆ خولا دووێ هەر ئێک ژ کەناڵێن CBS و ABC کوژمەکێ پارەی وەک رێککەفتن ل دەرڤەی دادگەهێ داینە ترەمپی دا کو کۆتایی ب وان سکالایان بهێت یێن ل سەر هاتینە تۆمارکرن