10.3% یا خەلکێ ئیراقێ ژیرییا دەستکرد بکاردئینن:

ل دویف راپۆرتەکێ، 10.3٪ یا خەلکێ ئیراقێ ژیرییا دەستکرد بکاردئینن و ل سەر ئاستێ وەلاتێن عەرەبی ل رێزا 13 دهێت
ل دویف راپۆرتا بەربەلاڤبوونا زیرەکیا دەستکرد یا ئینستیتۆتا ئابۆرییا زیرەکیا دەستکرد یا سەر ب کۆمپانییا مایکرۆسۆفت ڤە،10.3٪ یا خەلکێ ئیراقێ ژیرییا دەستکرد بکاردئینن، ل سەر ئاستێ جیهانێ ل رێزبەندییا 86ێ دهێت ژ کۆما 147 وەلاتان،  ل سەر ئاستێ وەلاتێن عەرەبی ژی ل رێزا 13 دهێت و ب ڤێ چەندێ ژی د رێزبەندییا دوماهییێ دا دھێت ل سەر ئاستێ وڵاتێن عەرەبی.
راپۆرتێ ئاماژە کر کو رێژەیا بکارئینانا ئێراقێ نزمە ل گۆرەی قەبارێ وێ یێ ئابۆری، ئەڤ چەندە ژی نیشانا نەبوونا وەبەرهێنانەکا مەزنە د وی بۆاری دا.
وەک راپۆرتێ ئاماژە دایی، ئیمارات د رێزبەندیا ئێکێ دا ل سەر ئاستێ وەلاتێن عەرەبی و جیهانێ ب رێژەیا 59.4%، پاش قەتەر 35.7%، ئوردن 25.4%، لوبنان 24.8%، سعودیە 23.7%، و عومان 22.6%. دهێن.
رێزبەندییێن دی یێن ولاتێن عەرەبی ژی ب ڤی ئاوایی بوون: کوەیت رێزا حەفتێ 17.7%، لیبیا ھەشتێ 12.7%، میسر نەھێ 12.5%، تونس دەھێ 12.3%، جەزائیر یازدەھێ 11.3%، مەغریب دوازدێ 10.5%،ئیراق سێزدێ، سووریا چاردێ 6.7%، ئەریتیریا پازدێ 6.4%، و سودان ب رێژەیا 6.4٪ ل رێزا شازدێ دهێت.
ل سەر ئاستێ جیهانێ، ژی پشتی ئیماراتێ، سنگافورە 58.6%، نەرویج 45.3%، ئایسلەند 41.7%، و فرەنسا 40.9%، د کەمبۆدیا ژی ب رێژەیا 4.6% ل د بنێ رێزبەندییێ دهێت.