وەزارەتا چاندنا عێراقێ راگەهاند کو چو قەیران د بەرهەمئینانا هێلکا خوارنێ دا نینە و دوپات کر کو بەرهەمێ ناڤخۆیی پێتڤیێن بازاڕی پڕ دکەت و پڕۆژەیێن پەلەوەران ژی ب شێوەیەکێ جێگیر و بەردەوام کار دکەن
ئەڤرۆ رۆژا یەکشەمبی وەزارەتا چاندنا عێراقێ راگەهاندنەک بەلاڤ کر و تێدا هاتیە کو بلندبوونا نرخێ هێلکێ پەیوەندی ب کەمییا بەرهەمی ڤە نینە بەلکو ئەگەرێ وێ بۆ یاریپێکرنا بازاڕی ژ لایێ هندەک بازرگانان ڤە دزێریت و ئاماژە ب وێ یەکێ ژی کر کو ئەو بازرگانە دەنگۆیێن کەمییا هێلکێ بەلاڤ دکەن تنێ ژ پێخەمەت بدەستڤەئینانا قازانجەکێ پتر
د راگەهاندنێ دا هاتیە کو ب هەماهەنگی دگەل لایەنێن پەیوەندیدار د بەردەوامن ل سەر چاڤدێریکرنا لۆبۆکا نرخا بۆ رێگریکردن ل هەر جۆرە قۆرخکاریەکێ و مفاوەرگرتنەکا نەگونجای هەروەسا داخوازێ ژ وەلاتیان دکەن کو باوەریێ ب دەنگۆیان نەکەن و پەنایێ نەبەنە بەر کڕینا هێلکێن زۆر چونکی بازاڕێ ناڤخۆ ب تەمامی هاتیە دابینکرن و چو کورتهێنان د ڤێ ماددێ خوارنێ دا نینە
ئەڤ روونکرنا وەزارەتێ د دەمەکێ دایە کو نرخێ تەبەقەکا هێلکێ ل بازاڕێن عێراقێ بۆ نێزیکی هەشت هزار دیناران بلند بوویە
ژ لایەکێ دی ڤە رەوانگەها ئیکۆ عێراق ئاماژە ب وێ یەکێ کریە کو بەردەوامییا داخستنا گەرووێ هورمز بوویە ئەگەرێ گرانبوونا نرخێ ئالیکێ پەلەوەران و ئەڤ چەندە ب شێوەیەکێ راستەوخۆ کاریگەری ل سەر بلندبوونا نرخێ هێلکێ ل عێراقێ کریە
بادینان دەیلی