نڤیسینگەها مالیکی هەتا نوکە کاندیدێ فەرمی بۆ سەرۆکوەزیران نەهاتیە گوهۆڕین

ئەڤڕۆ ئێکشەمبی ١٩ێ نیسانا ٢٠٢٦ێ نڤیسینگەها نووری مالیکی راگەهاند هەتا نوکە کاندیدێ فەرمی یێ چوارچۆڤەیێ هەماهەنگیێ بۆ سەرۆکوەزیران نەهاتیە گوهۆڕین

هیشام رۆکابی رێڤەبەرێ نڤیسینگەها راگەهاندنا سەرۆکێ هەڤپەیمانیا دەولەتا یاسا ل پلاتفۆرما ئێکس نڤیسیە هەر کەسەکێ بڤێت حکۆمەتێ د دەمێ دستووری دا پێکبینیت پێدڤیە بڕیارێن وێرەک بدەت نەک یا بەردەوام بیت د پاشخستنێ دا یان ژی لۆمەیێن پاشکەفتنێ بێخیتە سەر پارتێن دی

هیشام رۆکابی بەحسێ وێ یەکێ ژی کر کو هێشتا چوارچۆڤەیێ هەماهەنگیێ کاندیدێ خوە یێ فەرمی بۆ سەرۆکوەزیران مایە و نەهاتیە گوهۆڕین

ئاماژە ب وێ یەکێ ژی دا سەبارەت هندێ کو پاشخستنا کۆمبوونا رۆژا شەمبی ئەگەر مالیکی بوویە ئەڤە پروپاگەندەیەکا درەو و نەراستە

دبێژیت ژی ئەوا ئەڤڕۆ پێدڤی بڕیارەکا روون و ئاشکرایە هەر وەک چەوا کاندیدکرنا مالیکی ب زۆرینەیا دەنگان بوو دشێت ب هەمان میکانیزم بهێتە ڤەکێشان و ئەڤە ژی بێ پاشکەفتنەکا زێدەتر چونکی قۆناغا نوکە بەرگەیێ پاشخستنێن زێدەتر ناگریت