دادگاییکرنا بەرپرسەکێ بلند یێ ئەمنی یێ رژێما بەشار ئەسەدی ل وەلاتێ هۆڵەندا دەستپێکر و ئەو بەرپرسە رووبەڕووی ٢٥ تۆمەتێن دەستدرێژی و کوشتن و ئەشکەنجەدانا زیندانیان بوویە ل دویف زانیاریێن داواکارێ گشتی یێ هۆڵەندا تەمەنێ وی بەرپرسی ٥٧ ساڵن و ب ناڤێ خواستی یێ رەفیق ئەلف دهێتە نیاسین و ناسنامەیا وی یا راستی نەهاتیە ئاشکرا کرن د روینشتنا دادگەهێ دا کو ل بەرامبەر سێ دادوەران دهێتە ئەنجامدان تۆمەتباری هەمی تۆمەتێن دژی مرۆڤایەتیێ رەت کرن و راگەهاند کو ئەو ژی وەک هەر سووریەکێ دی قوربانیێ رژێما ئەسەدی بوویە و دۆسەیا ڤی تۆمەتباری ڤەدگەریت بۆ روودانێن ساڵێن ٢٠١٣ و ٢٠١٤ ل سووریا کو وەک ڤەکۆلەرێ سەرەکی د ناڤ هێزێن بەرەڤانیا نشتیمانی دا کار کریە کو ئەڤە میلیشیایێن چەکدارێن نێزیک ل رژێما سووریا نە ناڤبری ل ساڵا ٢٠٢١ وەک پەنابەر گەهشتیە هۆڵەندا و ل مەها کانوونا ئێکێ یا ساڵا ٢٠٢٣ ژ لایێ پۆلیسان ڤە هاتە دەستەسەرکرن و نوکە پرۆسەیا دادگاییکرنا وی ل سەر بنیاتێ یاسایا دەستهەڵاتا دادوەری یا گشتگیر دهێتە کرن کو رێ ددەتە دادگەهێن هۆڵەندا وان کەسان دادگایی بکەن یێن تاوانێن نێودەولەتی یێن مەترسیدار ل دەرڤەی وەڵات ئەنجام داین و بڕیارە دانیشتنێن دادگەهێ هەتا دوماهیا مەها ئایارێ بەردەوام بن و بڕیارا دوماهیێ ژی ل مەها حوزەیرانێ بهێتە راگەهاندن