رۆژنامەیا یەدیعۆت ئەحرۆنۆت یا ئیسرائیلی بەلاڤکر کو ژ دەسپێکا دەستپێکرنا ئۆپەراسیۆنا نەڕەیا شێری دژی ئیرانێ ل ٢٨ێ شوباتێ هەتا نوکە ل کێمی ٤٢ ئیسرائیلی هاتینە کوشتن و زێدەتر ژ ٧٤٠٠ کەسێن دی بریندار بووینە و رۆژنامێ روونکر کو ٢٢ کەس ژ وان ب ئەگەرێ مووشەکان و ١٣ کەس کو سەرباز و مەدەنی بوون د شەڕێ حزبوڵڵا دا و ٧ کەسێن دی ژی د دەمێ چوونێ بۆ پەناگەهان دا گیانێ خۆ ژ دەست دایە هەڤدەم دگەل ڤان ئاماران سوپایێ ئیسرائیلێ مەزنترین هێرشا ئاسمانی ل سەر دەڤەرێن جودا یێن لوبنانێ ئەنجام دا و سوپای راگەهاند کو بتنێ د ماوێ ١٠ خولەکان دا نێزیکی ١٠٠ بنکە و ژێرخانێن سەربازی یێن حزبوڵڵایێ کرینە ئامانج و ژێدەرێن پزیشکی ل لوبنانێ ئاشکرا کر کو ب ئەگەرێ ڤان هێرشان هەتا نوکە ١٨٢ کەس هاتینە کوشتن و ب سەدان کەسێن دی بریندارن ئەڤ گرژیە د دەمەکێ دانە کو ئیران و ئەمریکا ل سەر ئاگربەستەکا دەمکی بۆ ماوێ دوو حەفتیان و ڤەکرنا تەنگاڤا هورمز رێککەفتبوون دا کو رێگری ل هێرشێن بەرفرەهـ یێن دۆناڵد ترەمپ بهێتە کرن سەرباری کو جیهانێ پێشوازی ل ڤێ رێککەفتنێ کر بەلێ چارەنڤیسێ لوبنانێ بوویە جهێ ناکۆکیێ و تاران دبێژیت ئاگربەست لوبنانێ ژی دگریتەڤە بەلێ واشنتۆن و ئیسرائیل د بەردەوامن ل سەر هێرشێن خۆ و ئیران گەفێ دکەت ئەگەر هێرش ل سەر لوبنانێ نەوەستن دێ ژ رێککەفتنا ئاگربەستێ ڤەکێشیت