گوتەبێژێ ئێکەتیا هناردەکارێن نەوت و غازا ئیرانێ ئاشکرا کر کو تاران د ماوێ ئاگربەستێ دا دگەل ئەمریکا بۆ دەربازبوونا هەر بەرمیلەکا نەوتێ د تەنگاڤا هورمز را دێ ئێك دۆلار وەک باج وەرگریت و هەر کەشتیەکا مۆڵەتێ وەرنەگریت و باجێ نەدەت دێ هێتە ئامانجکرن ل دویف راپۆرتەکا رۆژنامەیا فاینەنشاڵ تایمز حەمید حوسێنی گوتەبێژێ ئێکەتیا هناردەکارێن نەوت و غازا ئیرانێ ئاماژە ب وێ یەکێ کر کو پارە دێ ب شێوەیەکێ ئەلیکترۆنی هێتە وەرگرتن و ئیران سۆرە ل سەر پشکنینا کەشتیان بەری دەربازبوونا وان و هەر کەشتیەکا رازی نەبیت ڤێ باجێ بدەت دێ ژ لایێ سوپایێ پاسداران ڤە هێتە ئامانجکرن هەروەسا ئەڤ رێکارێن توند د دەمەکێ دانە کو ئاگربەستەکا کاتی بۆ ماوێ دوو حەفتیان د ناڤبەرا تاران و واشنتۆن دا هاتیە راگەهاندن و ئیران داخواز دکەت باج ب دراڤێ دیجیتاڵی وەک بیتکۆین بهێتە دان دا کو ژ سزایێن ئەمریکا و سیستەمێ چاودێریا دارایی یا نێودەولەتی دەرباز ببیت و نوکە ب سەدان کەشتی ل هیڤیا وەرگرتنا مۆڵەتێ نە بۆ دەربازبوونێ و ئیران جەختێ دکەتە سەر وێ یەکێ کو ئارمانج ژ پشکنینان رێگریکرنە ل ڤەگوهاستنا چەکی د ماوێ ئاگربەستێ دا