رێڤەبەرەکێ گشتی ل وەزارەتا خواندنا بلند راگەهاند کو ئەنجوومەنێ وەزارەتێ بۆ بڕیاردانێ ل سەر ئاراستەیێ خواندنا ئەڤ ساڵە کۆم دبیت و ئەڤە ژی پشتی هندێ دهێت کو ئەڤرۆ سپێدێ ئاگر بەستەکا دوو هەفتی د ناڤبەرا ئەمریکا و ئیرانێ دا هاتە راگەهاندن
دکتۆر توانا نەجەف رێڤەبەرێ گشتیێ کارگێڕی و دارایی ل وەزارەتا خواندنا بلند و ڤەکۆلینێن زانستی بۆ تۆرێن میدیایی دیار کر کو ئەڤرۆ یان سبەهی کۆمبوونا ئەنجوومەنێ بلند یێ وەزارەتێ دێ هێتە ئەنجام دان و تێدا چارەنڤیسێ خواندنێ دێ هێتە ئێک لاییکرن و هەر بڕیارەکا بهێتە دان دێ ژ هەفتیا بهێت وێڤە هێتە بجهئینان
ناڤبری ئەو یەک ژی ئەشکەرا کر کو هەشتێ ژ سەدێ یا پڕۆگرامێن خواندنێ یێن هاتینە ب دوماهی ئینان و گۆت ژی کو ئەم دشێین ڤێ ئاگر بەستێ بکەینە دەلیڤەک دا کو دەست ب تاقیکرنان ل ناڤ هۆڵێن خواندنێ بکەین و ئەڤ یەکە ژی د دەستهەڵاتا وەزیری دایە
جێیێ ئاماژێ یە ل رێکەفتی بیست و نەهێ ئادارا دوو هزار و بیست و شەش حکومەتا هەرێما کوردستانێ بڕیار دابوو کو خواندنا د ناڤ پۆلان دا بهێتە راوەستاندن و پرۆسە ب تنێ ب شێوێ ئۆنلاین و دیجیتاڵی بەردەوام بیت