نێچیرڤان بارزانی سەرۆکێ هەرێما کوردستانێ پێشوازیێ ل ئاگر بەستا د ناڤبەرا ئەمریکا و کۆمارا ئیسلامیا ئیرانێ دا دکەت و راگەهاند کو ئەڤ پێشهاتە هەنگاوەکا گرنگە بەرەڤ هێورکرنا گرژیان و پاراستنا خەلکێ سڤیل و زڤرین بۆ دیالۆگەکا ئاڤاکەر
سپێدەیا هەشتی نیسانێ ب ناڤندگیرییا وڵاتێ پاکستان ئاگر بەست د ناڤبەرا ئەمریکا و ئیسرائیل و ئیرانێ دا بۆ ماوێ دوو هەفتیان هاتە راگەهاندن
سەرۆکێ هەرێما کوردستانێ دبێژیت هیڤیدارم هەمی ئالی ب نیەتەکا پاقژ پابەندی ڤێ بەڵێنێ بن و کار بکەن بۆ ئاشتیەکا بەردەوام کو سەقامگیری و ئاسایش و خۆشگوزەرانیێ ل تمامیا دەڤەرێ بچەسپینیت
ل دویف ڤێ ئاگر بەستێ ئەمریکا و ئیران و ئیسرائیل دێ هێرشێن خۆ بۆ سەر ئێکودۆ راوەستینن د ڤان دوو هەفتیان دا و پێدڤیە ئیران ژی تەنگا هورمز بۆ کەشتیان ڤەکەت
سەرۆکێ هەرێما کوردستانێ ئاماژە ب وێ یەکێ ژی کر کو دەستخۆشیێ ل بزاڤێن هەمی وان لایەنان دکەن یێن پشکدار بووین د ئاسانکاری کرنا ڤێ ئاگر بەستێ دا