ل دویف دوماهی ئامارێن کو رۆژانە دهێنە تومار کرن ژ دەستپێکا شەری ل بیست و هەشتێ شوباتێ هەتا سپێدەیا ئەڤرۆ بەری ئاگر بەستێ هەرێما کوردستانێ ب پتر ژ حەفت سەد درۆن و مووشەکان هاتیە ئارمانج کرن کو ب تنێ ژ سێشەمبی هەتا سپێدەیا ئەڤرۆ پێنج مووشەک ل پارێزگەهێن هەولێر و سلێمانی و دهۆکێ کەفتینە
ل دویف ئامارێن هاتینە بەلاڤ کرن د ڤان چل رۆژێن شەری دا حەفت سەد و سێ درۆن و مووشەک ل هەرێمێ کەفتینە و ب وێ ئەگەرێ حەفدە کەسان گیانێ خۆ ژ دەست دایە و نۆت و دوو کەسێن دی ژی بریندار بووینە کو دابەشبوونا وان ل سەر پارێزگەهان ب ڤی رەنگی یە ل هەولێرێ پێنج سەد و شەست و ل سلێمانیێ سەد و پانزە و ل دهۆکێ بیست و شەش و ل هەلەبجە ژی دوو درۆن و مووشەک بووینە
سپێدەیا ئەڤرۆ ژی ل دهۆکێ درۆنەک هاتیە خوار و ل سلێمانیێ ژی دەنگەکێ مەزن هاتە بهیستن و ل هەولێرێ ژی درۆنەک کەفتە خوارێ کو ئەڤە هەمی بەری راگەهاندنا ئاگر بەستێ بوون
دەربارەی قوربانیان ژی د ئەنجامێ ڤان هێرشان دا حەفت پێشمەرگە و کارمەندەکێ ئاسایشێ و شەش پێشمەرگەیێن حزبێن رۆژهەلات و سەربازەکێ فەرەنسی گیانێ خۆ ژ دەست دایە و دیسا هەژمارەکا زۆرا وەلاتیێن سڤیل و قوتابی و زارۆک ژی بریندار بووینە کو د ناڤ وان دا هەژدە سڤیل هەنە
ئەو جهێن بۆردۆمان لێ هاتیە کرن ل هەولێرێ پێکهاتینە ژ خەلیفان و هەریر و فرۆکەخانە و کەمپێن ئاوارەیان و چەندین گەڕەکێن ناڤ شار و ل سلێمانیێ ژی چیایێ گۆلان و دەربەندیخان و چەندین گوندێن دی و ل دهۆکێ ژی کێڵگەهێن نەفتێ ل سەرسنگ و چەمانکێ و دەڤەرێن ئامێدی و ئاکرێ و بەردەرەش و ماڵتا ل ناڤ شارێ دهۆکێ و ل هەلەبجە ژی چیایێ شنرۆی هاتینە بۆردۆمان کرن