ئەحمەد شەرع بۆ نێچیرڤان بارزانی سەرکۆنەیا هێرشێن ل سەر هەرێما کوردستانێ دکەم

بادینان دەیلی

سەرۆکێ هەرێما کوردستانێ و سەرۆککۆمارێ سووریا ب تەلەفۆنێ ئاخفتن و ئەحمەد شەرع سەرکۆنەیا هێرشێن ل سەر هەرێما کوردستانێ کر ئێڤارا دوهی دووشەمبی شەشێ نیسانا دوو هزار و بیست و شەش نێچیرڤان بارزانی سەرۆکێ هەرێما کوردستانێ پەیوەندیەکا تەلەفۆنی ژ ئەحمەد شەرع سەرۆککۆمارێ عەرەبیێ سووریا پێگەهشت

ل دویڤ ڕاگەهاندنا سەرۆکاتیا هەرێما کوردستانێ هەردوو لایان ل دۆر ڕەوشا دەڤەرێ و دوماهیک پێشهاتێن شەڕی و کارتێکرنێن وی بیر و ڕایێن خۆ گۆهۆڕین و جەخت ل سەر گرنگیا زێدەکرنا بزاڤێن دبلۆماسی بۆ ڕاوەستاندنا شەڕی و چارەسەرکرنا ئاشتیانەیا کێشەیان کر دەربارەی ڕەوشا هەرێما کوردستانێ و عێراقێ ژی جەخت ل سەر گرنگیا پاراستنا ئارامی و سەقامگیریێ هاتە کرن و د ڤی چوارچۆڤەی دا سەرۆک شەرع سەرکۆنەیا وان هێرشان کر کو دهێنە سەر هەرێما کوردستانێ هەروەسا ڕەوشا کوردان و پێکهاتەیان ل سووریا و پەیوەندیێن سووریا دگەل عێراقێ دگەل چەند پرسێن دی یێن هەڤپشک تەوەرەکێ دی یێ وێ پەیوەندیا تەلەفۆنی بوون