بادینان دەیلی
سەرۆکێ هەرێما کوردستانێ پەیامەکا هەڤخەمیێ ل دۆر شەهیدبوونا هەردوو هەڤژینێن هەولێرێ بەلاڤکر و دبێژیت ئەڤ هێرشە ب چو رەنگەکی ناهێنە قەبوولکرن و ب تەمامی د رەتکری نە نێچیرڤان بارزانی سەرۆکێ هەرێما کوردستانێ د پەیاما خۆ دا ب توندی سەرکۆنەیا وێ هێرشا تیرۆرستی دکەت کو شەڤا دەربازبوویی ب ڕێکا درۆنێ ل سەر مالەکا گوندێ زەرگەزەوی ل هەولێرێ هاتیە ئەنجامدان و ب وێ ئەگەرێ دوو هەڤژین شەهید بوون
هەروەسا سەرۆکێ هەرێما کوردستانێ پرسە و سەرەخۆشیێن خۆ ئاراستەی بنەمالێن شەهیدان کرینە و داخوازێ ژ حکومەتا فیدرال یا عێراقێ دکەت کو ئەرک و بەرپرسیارەتیا خۆ بجهـ بینیت بۆ رێگریگرتنێ ل ڤان تاوان و هێرشێن تیرۆرستی دا کو ئێدی ئەڤ دەستدرێژییە بۆ سەر خەلکێ سڤیل و بێ گونهە یێ هەرێما کوردستانێ دووبارە نەبنەوە