بادینان دەیلی
سەرۆککۆمارێ تورکیا د پەیوەندیەکا تەلەفۆنی دا د گەل سکرتێرێ گشتی یێ ناتۆیێ راگەهاند؛ پێدڤییە جڤاکێ نێڤدەولەتی بزاڤێن خۆ خورتتر لێ بکەت دا کو شەڕێ ئەمریکا و ئیسرائیلێ دژی ئیرانێ ب دوماهی بهێت.
رەجەب تەیب ئەردۆگان، سەرۆکێ تورکیا ئەڤرۆ د گەل مارک روتە، سکرتێرێ گشتی یێ هەڤپەیمانیا ناتۆیێ ئاخفت و هۆشداری دا کو رەوشا ئیرانێ بەر ب ئالۆزیەکا جیوپۆلیتیکی یا مەزن ڤە دچیت. ئەردۆگانی جەخت ل سەر وێ یەکێ کر کو راوەستاندنا ڤی شەڕی ئەرکێ هەمی ئالییانە و نابیت جیهان ل هەمبەر بێ دەنگ بیت.
سەرۆککۆمارێ تورکیا ئاماژە ب پشتەڤانیا ناتۆیێ بۆ سیستمێ بەرگریا ئاسمانی یا وەڵاتێ خۆ ژی کر و دیار کر، ئەڤ هەڤپشکییا د ڤی ماوەی دا هاتیە نیشاندان، هێزا بەرگریا ناتۆیێ پتر سەلماندیە. هەروەسا ئەردۆگانی رۆهن کر کو ئەو د بزاڤێن خۆ دا بەردەوامن بۆ ب دوماهیئینانا شەڕێ رووسیا و ئۆکرانیایێ ژی دا کو ئاشتی ل دەڤەرێ پەیدا ببیت.
د پشکەکا دی یا پەیوەندیێ دا، ئەردۆگانی پیرۆزباهیا ٧٧ سالیا دامەزراندنا ناتۆیێ کر و هیڤی خواست کۆمبوونا بهێت یا گۆپیتکا ناتۆیێ ل ئەنقەرە بیت، کو بڕیارە ل ٧ و ٨ی تیرمەها بهێت بهێتە ئەنجامدان.