:بادینان دەیلی
رەوانگەیا “نێتبلۆكس” یا جیهانی بۆ چاڤدێریا ئینتەرنێتێ راگەهاند، ئەوا پچڕانا ئینتەرنێتێ ل ئێرانێ كو پتر ژ مەهەكێ یە بەردەوامە، وەك درێژترین پچڕان د مێژوویا هەمی وڵاتێن جیهانێ دا دهێتە هەژمارتن.
نێتبلۆكس ل سەر هەژمارا خۆ یا فەرمی ل تورا جڤاكیا “X” بەلاڤكریە: “پچڕانا نوكە یا ئینتەرنێتێ ل ئێرانێ هەمی پچڕانێن دی یێن پێشتر تێپەڕاندینە و بوویە درێژترین پچڕان كو هەتا نوكە د مێژوویا وڵاتاندا رویدابیت.” رەوانگەیێ ئاماژە ب وێ یەكێ ژی كریە كو پچڕان چوویە د رۆژا ٣٧ێ دا و بۆ ماوەیێ ٨٦٤ دەمژمێرانە بەردەوامە، ئەڤە ژی ریكۆردەکا نویا جیهانی یە ل سەر ئاستێ نیشتمانی.
هەروەسا دیار كریە كو هندەك وڵاتێن دی پچڕانێن دەمەكی یان ل سەر ئاستێ دەڤەرێن دیارکری هەبووینە، بەلێ یا ئێرانێ ژبەر گشتگیری و توندیا وێ ب درێژترین دهێتە نیاسین. د هەمان دەم دا ئاماژە ب وێ یەكێ ژی كریە كو تەنێ وڵاتێ كۆریایا باكوور ب ئێكجاری پەیوەندی ب ئینتەرنێتا جیهانێ ڤە نینە.