بادینان دەیلی:
ئەڤرۆ ئێکشەمبی، 29ی ئادارا 2026، د گاڤەکا دیپلۆماسی یا گرنگ دا بۆ هێورکرنا بارودۆخێ دەڤەرێ، باژێرێ ئیسلام ئاباد یێ پایتەختێ پاکستانێ مێڤاندارییا کۆمبوونەکا چارقۆلی د ناڤبەرا (میسر، تورکیا، سعوودیە و پاکستان) دا دکەت، ب مەرەما دیتنا ڕێگەچارەیەکێ بۆ ڕاگرتنا شەڕێ ئەمریکا و ئیسرائیل دژی ئیرانێ.
گەهشتنا شاندا و ئامادەکاری:
دوێ شەڤێ، بەدر عەبدولعەتی وەزیرێ دەرڤە یێ میسرێ گەهشتە ئیسلام ئاباد و ژ ئالیێ محەمەد ئیسحاق دار، وەزیرێ دەرڤە یێ پاکستانێ ڤە ل فرۆکەخانا نێڤدەولەتی یا “نوور خان” پێشوازی لێ هاتە کرن. چاڤەڕێ دهێتە کرن ئەڤرۆ سپێدێ هەریەک ژ فەیسەڵ بن فەرحان وەزیرێ دەرڤە یێ سعوودیە و هاکان فیدان وەزیرێ دەرڤە یێ تورکیا ژی بگەهنە شوینا کۆمبوونێ.
ئارمانجێن کۆمبوونێ:
وەزارەتا دەرڤە یا پاکستانێ ئاماژە ب وێ یەکێ کر کو ئەڤ کۆمبوونە “گەلەکا گرنگە” و کار ل سەر ئەڤان خالان دهێتە کرن:
- دیتنا میکانیزمەکێ بۆ کۆتایهێنان ب شەڕی و کێمکرنا گرژییان.
- بێهێزکرنا پەیوەندیێن دوقۆلی د ناڤبەرا وەلاتێن بەشدار دا.
- دروستکرنا بەرەقەکا هەڤپشک یا ئیسلامی بۆ چارەسەرکرنا کێشەیێن ئەمنی.
ڕۆڵێ پاکستانێ وەک ناڤبژیڤان:
وەزیرێ دەرڤە یێ پاکستانێ ڕاگەهاند کو وەلاتی وی د ڕۆژێن بووری دا پەیام د ناڤبەرا تاران و واشنتن دا گوهۆڕینە ب مەرەما نێزیککرنا نێرینان. هەروەسا شەهباز شەریف سەرۆکوەزیرێ پاکستانێ دێ ب جودا دگەل وەزیرێن دەرڤە یێن هەر سێ وەلاتان کۆم بیت