بادینان دەیلی:
نێچیرڤان بارزانی، سەرۆکێ هەرێما کوردستانێ ڕاگەهاند کو کۆمارا ئیسلامی یا ئیرانێ دان ب وێ چەندێ دانا کو هێرشکرنا سەر بارەگایێن پێشمەرگەی خەلەتی بوویە و سۆزا لێکۆلینێ دایە.
ئەڤرۆ چارشەمبی، سەرۆک نێچیرڤان بارزانی د دەمێ پشکداریکردنا خۆ دا ل پرسەیا هەڤپشک یا پێشمەرگەیێن شەهید ل باژێرێ سۆران، د کۆنگرەیەکێ ڕۆژنامەڤانی دا ئاشکرا کر: “سەبارەت ب ڕووداوێ، مە پەیوەندی ب کۆمارا ئیسلامی یا ئیرانێ کرییە.”
سەرۆکێ هەرێمێ گۆت ژی: “لایەنێ ئێرانی دان ب وێ چەندێ دانا کو د ڤێ ڕووداوێ دا خەلەتی هاتییە کرن و د گەل دەربڕینا هەڤخەمی و سەرەخۆشییا خۆ، سۆز داینە کو لێکۆلینەکا هویر و جدی ل سەر بابەتێ هێرشێ ئەنجام بدەن.”
ئەڤ هەلوەستێ نێچیرڤان بارزانی پشتی وێ چەندێ دهێت کو سپێدەهیا دوهی ب مۆشەکان هێرش کرە سەر هێزێن پێشمەرگەی ل سنۆرێ سۆران، کو د ئەنجام دا ٦ پێشمەرگە شەهید بوون و ٣٠ پێشمەرگەیێن دی ژی بریندار ببوون.
بادینان دەیلی | ٢٠٢٦
