بادینان دەیلی:
تۆمی پیگۆت، جێگرێ پەیڤدارێ وەزارەتا دەرڤە یا ئەمریکا، هەلوەستێ وەلاتێ خۆ ل دۆر هێرشێن دوماهیێ یێن سەر هەرێما کوردستانێ ئاشکرا کر و ب توندی ئیدانەیا وان هێرشان کر.
ئەڤرۆ چارشەمبی ٢٥ێ ئادارا ٢٠٢٦ێ، تۆمی پیگۆت، جێگرێ پەیڤدارێ وەزارەتا دەرڤە یا ئەمریکا، د لێدوانەکێ دا ڕاگەهاند: “ئەمریکا ب توندی وان هێرشێن بەرفرەهـ شەرمزار دکەت یێن کو ژ لایێ ئیرانێ و گروپێن تیرۆرستی یێن هەڤپەیمانێن وێ ل ئیراقێ، دژی وەلاتییێن ئەمریکی و هەڤپەیمانێن مە ل سەرانسەری ڕۆژهەلاتا ناڤین دهێنە ئەنجامدان.
دەربارەی هێرشا ڕۆژا سێشەمبی یا ل سەر سەنگەرێن پێشمەرگەی، پیگۆت ئاماژە ب وێ چەندێ کر کو ئەو هێرشا ل دەڤەرەکا نێزیک شاری هەولێرێ هاتییە ئەنجامدان، هێرشەکا “نەهەق و قێزەونە”.
ل دویماهییا ئاخفتنێن خۆ دا، جێگرێ پەیڤدارێ ئەمریکا سەرەخۆشییا خۆ ئاراستەی مالباتێن شەهیدێن هێزێن پێشمەرگەی کر و هیڤییا چاکبوونا بلەز بۆ هەمی برینداران خواست.
