بادینان دەیلی – هەولێر
سەرۆکێ هەرێما کوردستانێ دگەل جێگرێ سەرۆکوەزیران و وەزیرێ دەرڤە یێ ئیتالیا، دوماهی پێشهاتێن رەوشا دەڤەرێ و کارتێکرنێن شەری ل سەر ئاسایش و سەقامگیریا دەڤەرێ و جیهانێ گۆتۆبێژ کرن.
سەرۆکاتیا هەرێما کوردستانێ ڕاگەهاند، نێچیرڤان بارزانی، سەرۆکێ هەرێما کوردستانێ و ئەنتۆنیۆ تایانی، جێگرێ سەرۆکوەزیران و وەزیرێ دەرڤە یێ ئیتالیا ب تەلەفۆنێ ئەنجام دا.
د ڕاگەهاندنەکێ دا هاتیە، نێچیرڤان بارزانی “ب توندی سەرکۆنەیا وێ هێرشێ کر ئەوا شەڤا بوورى هاتیە سەر بنگەهێ سەربازی یێ ئیتالیا ل هەرێما کوردستانێ”.
سەرۆکێ هەرێما کوردستانێ دوپات کر، “پێدڤیە حکومەتا عێراقێ بەرپرسیارەتیا خۆ د پاراستنا نێردە دیپلۆماسییان و هێزێن هەڤپەیمانان دا جێبەجێ بکەت و رێکێ نەدەت چیدی گرۆپێن لادەر ژ یاسایێ، ئاسایش و بەرژەوەندیێن وەڵاتی بێخنە مەترسیێ”.
ژ لایێ خۆ ڤە، وەزیرێ دەرڤە یێ ئیتالیا زێدەباری سەرکۆنەکرنا هێرشێ، دوپات کر کو “وەڵاتێ وی ب هەمی رەنگەکان دێ د پشتەڤانی و هاریکاریا عێراق و هەرێما کوردستانێ دا بەردەوام بیت بۆ بەرهنگاربوونا ئالنگارییان و ڕووی ب ڕووی بوونا هێرشێن تیرۆرستی، هەروەسا دێ برەوێ ب هەماهەنگیا خۆ یا هەڤپشک دەن بۆ پاراستنا ئارامی و سەقامگیریێ”.
د دوماهیا پەیوەندیێ دا، نێچیرڤان بارزانی “سوپاس و پێزانینا” هەرێما کوردستانێ بۆ ئیتالیا دیار کر ژبۆ وێ پشتەڤانی و هاریکاریێن بەردەوام و رۆڵێ هێزێن وی وەڵاتی د چوارچۆڤێ هەڤپەیمانیا نێڤدەوڵەتی دا ب بلند نرخاند.
