بادینان دەیلی:
وەزارەتا تەندروستیا لوبنانێ نووترین ئامارێن قوربانیێن هێرشێن ئیسرائیلێ بۆ سەر وی وەلاتی بەلاڤکرن و ڕاگەهاند کو ژمارەیا کوشتییان ب شێوەیەکێ بەرچاڤ بلند بوویە.
ل گۆرەی بەیاننامەیا فەرمیا وەزارەتا تەندروستیا لوبنانێ، د ئەنجامێ هێرشێن ئەسمانی و مووشەکی یێن ئیسرائیلێ دا، هەتا نوکە ٣٩٤ کەسان گیانێ خۆ ژ دەست دایە.
تشتێ کو د ڤێ ئامارێ دا دلتەزینە و رێکخراوێن نێڤدەولەتی پێ نیگەرانن، ئەوە کو د ناڤ قوربانییان دا ٨٣ زارۆک هەنە، ئەڤە ژی نیشانا وێ یەکێ یە کو هێرشان زیانێن گەلەک مەزن گەهاندینە سڤیلان.
ئەڤ ئامارە د دەمەکێ دا دهێت کو هێرشێن ئیسرائیلێ بۆ سەر دەڤەرێن جودا یێن لوبنانێ ب تایبەتی ل باشوور و ل سەر پێگەهێن “حزبوڵا” د بەردەوامن، و ژ بلی کوشتییان، ب هزاران کەسێن دی ژی بریندار بووینە و ب دەهان هزار خێزان ژی ژبەر ترسا شەڕی ئاوارە بووینە.
بادینان دەیلی – ژێدەرێ تە بۆ نووچەیێن جیهانی و دەڤەرێ
