بادینان دەیلی:
رێڤەبەریا گشتی یا حەج و عومرەیێ ل هەرێما کوردستانێ ئاشکرا کر کو وەلاتێ سعوودیێ رەزامەندی ل سەر دانا ژمارەکا دیارکری یا ڤیزایێن عومرەیێ بۆ وەلاتیێن عێراقێ دایە.
ئەڤرۆ دووشەمبی، ٩ێ ئادارا ٢٠٢٦ێ، کاروان ستوونی، رێڤەبەرێ حەج و عومرەیا هەولێرێ ڕاگەهاند؛ شێخ سامی مەسعوودی، سەرۆکێ دەستەیا بلندا حەج و عومرەیا عێراقێ، رەزامەندیا شانشینا عەرەبستانا سعوودی وەرگرتییە بۆ تەرخانکرنا ٥٠٠ ڤیزایێن عومرەیێ ب شێوەیێ رۆژانە بۆ هەمی عێراقێ.
کاروان ستوونی ئاماژە ب وێ یەکێ ژی دا کو ئەڤ داخوازە پشتی وێ یەکێ هات کو وەلاتیێن عێراقێ داخوازەکا زۆر ل سەر ئەنجامدانا سونەتا عومرەیێ ل وەرزێ ئەڤ سالە یێ ١٤٤٧ێ کۆچی هەبوو.
ناڤبری دیار کر ژی کو ئەڤ ژمارەیا دیارکری (٥٠٠ ڤیزا رۆژانە) دێ بەردەوام بیت هەتا کو قەیرانێن نەارام یێن دەڤەرێ ب دووماهی دهێن. ئەڤە د دەمەکێ دایە کو بەری نوکە ژ بەر رەوشا دەڤەرێ، پێدانا ڤیزایا عومرەیێ بۆ هەمی وەلاتێن جیهانێ ژ لایێ سعوودیێ ڤە هاتبوو راوەستاندن، لێ نوکە ئەڤ پشکە بۆ عێراقێ هاتییە تەرخانکرن.
بادینان دەیلی – بۆ نووچەیێن حەج و عومرەیێ
