بادینان دەیلی:
فەرمانگەها میدیا و زانیاری یا حکوومەتا هەرێما کوردستانێ، ئەڤرۆ دووشەمبی 9ێ ئادارا 2026ێ، ب فەرمی ڕاگەهاند کو رۆژێن چوارشەمبی و پێنجشەمبی (11 و 12ێ ئادارا 2026) ل هەمی دامودەزگایێن هەرێما کوردستانێ پشووا فەرمی یە.
فەرمانگەهێ د بەیاننامەیەکێ دا دووپات کر کو ب مەرەما پەک نەکەفتنا کاروبارێن وەلاتییان، پرۆسەیا دابەشکرنا مووچەی د وان هەردوو رۆژێن پشوویێ دا دێ بەردەوام بیت و ناڕاوەستیت. هەروەسا ئاماژە ب وێ یەکێ ژی کر کو دەوام ل فەرمانگەهێن خزمەتگوزاری دێ ب شێوازێ “ئێشکگری” بیت.
ئەڤ بڕیارە د دەمەکێ دا دهێت، کو هەر ئەڤرۆ وەزارەتا دارایی و ئابووری خشتەیێ دابەشکرنا مووچەیێ مەها شوباتێ (هەیڤا 2) بەلاڤکر. ل گۆرەی خشتەیێ وەزارەتێ، سوبەهی سێشەمبی 10ێ ئادارا 2026ێ دەست ب دابەشکرنا مووچەی دهێتە کرن و رۆژا پێنجشەمبی 12ێ ئادارێ پرۆسە ب دووماهی دهێت.
بادینان دەیلی – نێزیکترین ژێدەر بۆ تە
