کوردستان – ڕێڤەبەریا گشتی یا کەشناسیێ
ڕێڤەبەریا گشتی یا کەشناسی و بیڤەلەرزەزانی ل هەرێما کوردستانێ ڕاگەهاند، ئەڤرۆ ئاسمان دێ پارچە عەور و نیڤ عەور بیت، لێ بۆ سوبەهی شەمبیێ پێلەکا باران بارینێ دێ دەستپێکەت.
ئەڤرۆ ئەینی، 6ـێ ئادارا 2026، ڕێڤەبەریا گشتی یا کەشناسیێ بڵاڤکریە کو ئەڤرۆ ئاسمان دێ د ناڤبەرا پارچە عەور و نیڤ عەور دا بیت، دگەل هەبوونا تۆزەکا سۆک د کەشوهەوای دا. هەروەسا پلەیێن گەرمێ د نێزیک بن ژ تۆمارکریێن دوهی.
سوبەهی باران و بەفر دێ دەستپێکەن
بۆ سوبەهی شەمبیێ، ئاسمان دێ د ناڤبەرا نیڤ عەور و عەورەکێ تەمام دا بیت. ل دەستپێکێ ل دەڤەرێن چیایی یێن باکورێ پارێزگەها دهۆکێ هندەک نمە باران و بەفر دێ دەستپێکەت.
پاشان ل دەمێن ئێڤاری، بارانەکا مامناوەند دێ پترییا دەڤەرێن پارێزگەها دهۆکێ و ئیدارا سۆران ڤەگریت. ل درەنگی شەڤا شەمبیێ ژی، کاریگەریا دابارینێ دێ زێدە بیت و ل زۆربەیا دەڤەرێن هەرێما کوردستانێ باران دێ باریت، هەروەسا ل هەمی دەڤەرێن سنووری بەفر دێ باریت.
بلندترین پلەیێن گەرمایا پێشبینیکری بۆ ئەڤرۆ:
- دهۆک: 15 پلە
- زاخۆ: 16 پلە
- هەولێر: 13 پلە
- پیرمام: 11 پلە
- سۆران: 12 پلە
- حاجی ئۆمەران: 4 پلە
- سلێمانی: 11 پلە
- چەمچەماڵ: 13 پلە
- هەڵەبجە: 12 پلە
- گەرمیان: 17 پلە
